Pahayag 2:16 - U Maganda A Baheta Ni Jesu-Cristo

¹⁶ Kaya magsise kamon sakay adággen u kasalanan moy hide! Ta ni awan ay angayák hina a pagdaka sakay labanan ko i tolayan hiden na tu pamamag-itan nu ispada a lumuwas ti labi kuwáy.

Pahayag 2:16 ပူးပေါင်းရင်းမြစ်များ

Efeso 6:17

Lagi kambe a manalig a natanggap moy dán u kaligtasan moy a gábwat ni Cristo kanya hikam ay ligtas dán, konna tu essa a sundalo a manalig dipo tukoy na ate helmet siya a pangdipensa na tu ulu na. Sakay dapat lagi kam a handa a magpahayag tu upos nu Diyos a itoldu nikam nu Banal a Ispirito, dipo iye u kumán moy a áttak.

2 Tesalonica 2:8

Pumeta siya kapag naibut dán u mangpugád nikuna. Pero tu káddemát nu Panginoon Jesu-Cristo, ay bunuwán na i tolayan iye a masássuwayán. Puksaán na iye tu pamamag-itan la nu angás na. Sakay tunawán nu makasile a demlag a katoy nikuna tu káddemat na.

Pahayag 1:16

Táttawed na u pitto a biton tu kawanan na a kamát sakay magluwas tu labi na u ispada a magdiliputan ti ngahab. Sakay makasile u hupa na a konna tu mainit a tanghale.

Pahayag 16:9

Nágkatutod ngane hide dipo tu tindi nu init. Pero sinumpa di pa u ngahan nu Diyos a te kapangyariyan a mángpatawed ti salutan iye hide, embes a magsise hide sakay magpure tu Diyos.

Pahayag 19:15

Tehhod a magluwas tu labi na a matalas a áttak; gamitán na iye para pangdaig tu bansa hide. Paghariyan na hide ti sampilitan sakay awan ti sumuway nikuna. U tolay hide ti munduway a komontara tu Diyos ay iparanas na nide u págparusa nu Diyos a makapangyariyan tu atanan. Iye u gusto a kagiyan nu pagbulusán na tu págpáspássán ti ubas u alak nu iyamut nu Diyos.

Pahayag 19:21

Sakay u sundalo de hide ay pinágbuno nu magkabayo tu mapudew tu pamamagitan nu áttak a magluwas tu labi na, sakay nagsawa u manok hide a mágkakanán tu bangkay de hide.

Pahayag 2:12

Isulat mo tu anghel nu mánnampalataya hide ti Pergamo: Iye u pekagi nu te tatawed tu matalas a ispada a te magdiliputan ti ngahab:

Pahayag 2:5

Isipán moy u date moy a kalagayan; ni kodya kam a nanglamig tu pánnampalataya moy. Magsise kamon sakay gimitán moy a huway u date moy a gággimitán tu purumero. Ni awan ka magsise ay angayák hina sakay ibutan ko tu páppágyanan na u simbuwan moy.

Pahayag 22:20

Kinagi nu Panginoon Jesus a nagpahayag ti atananan iye, “Tatahoden! Pademátták dán!” Amen. Dumemát ka dán nakwa, Panginoon Jesus!

Pahayag 22:7

Sakay kinagi ni Jesus, “Mágsaneg kam! Pademátták dán! Pinagpala u mangsássunud tu pahayag hide a katoy ti libruwan iye!”

Pahayag 3:19

Atanan nu mahal ko ay páppasunungán sakay dáddisiplinaan ko. Kaya ngani magsikap kam; magsise kamon sakay adággen u kasalanan moy hide.