Pahayag 2:13 - U Maganda A Baheta Ni Jesu-Cristo

¹³ Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.

Pahayag 2:13 ပူးပေါင်းရင်းမြစ်များ

Mateo 10:23

Ni dustaán di kam tu essa banuwan ay guminan kam tu iba. Kagiyán ku nikam a awan moy pa maangayan u atanan a banuwan ti Israel ay makademáták dán a Anak nu Tolay.”

Mateo 24:9

Ti panahon an itod, kaiyamután kam nu atanan a tolay dipo nikán sakay dakáppán para pahirapan sakay bunuwán.

Mateo 4:10

Pero inutusan ni Jesus ti Satanas “Umadeyo ka nikán Satanas. Dipo nakasulat be a ‘Sambaán mo u Panginoon a Diyos sakay siya la u sunudán mo awan dán ti agum.’”

Lukas 21:17

Kaiyamután kam nu atanan a tolay dipo tu kássunud moy nikán,

Gimet 22:20

Sakay nikuna bunuwán de ti Esteban a sistigu mo ay katoyák hod sakay nákpagkaessaák pa tu ginimet de. Hikán pa ngane u nagbantay tu damit nu nangbuno hide nikuna.’

Gimet 9:14

Sakay immangay siya ti Damasco wáy, a te karapatan a gábwat tu pupuno nu saserdote hide, para dakáppán u atanan a summampalataya niko.”

1 Tesalonica 5:21

Pagadalan moy ti husto u toldu hide ni iye ay gabwat tu Diyos oni awan sakay ni anya u maganda ay sala itod u sunudan moy.

1 Timoteo 5:8

Ni deya man u awan mangpospos tu kákkapatkákka na, lalu dán tu pamilya na ay immadág ti pánnampalataya, dipo mas madukás pa u ugali na nan tu awan ti pánnampalataya.

2 Timoteo 1:13

Sunudán mo u tatahoden a adal a intoldu ko niko. Manatile ka tu pánnampalataya sakay tu págmahal a natanggap tam tu pákpagkaessa tam ni Cristo Jesus.

2 Timoteo 2:12

Ni pagtiisan tam u hirap sakay awan kitam umimang tu kássunud ni Jesus, Ay maghare kitam be a kaguman na. Ni ikasanike tam siya tu atubang nu tolay hide, Ay ikasanike na kitam be.

Hebreo 10:23

Magpakatatag kitam tu pag-asa tam, sakay diyan kitamon magduwwa-duwwa, dipo matapat u nagpananto nikitam.

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Santiagu 2:7

Awan beman hide u mangsásseste tu dakila a ngahan ni Jesu-Cristo a nangsakup nikitam?

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 11:3

Paangayán ko hod u duwwa ko a tistigu a nakabadu ti pangluksa sakay ipahayag de u upos nu Diyos tu alay nu 1,260 a aldew.”

Pahayag 12:11

Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.

Pahayag 13:2

U hayup a netan ko ay kumán a idsura ni leopardo, u tika-tikád na ay kumán a tikád ni oso sakay u labi na ay kumán a labi ni liyon. Inyatád nu dragon nikuna u kapangyariyan na, u trono na, sakay u malawak na a karapatan a mamuno.

Pahayag 14:12

Kaya dapat a magpakatatag sakay magin matáttiisán u pinile hide nu Diyos, u sumássunud hide tu utus nu Diyos, sakay dapat a manatile u pánnampalataya de ni Jesus.

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”

Pahayag 17:6

Netan ko i bábbiyan iye a lasing tu dige nu pinile hide nu Diyos, sakay tu dige nu binábbuno na hide dipo tu kássunud de ni Jesus. Nagtakaák tu pákketa ko nikuna.

Pahayag 2:2

Tukoy ko u gimet moy hide, u pagud sakay u tiyaga moy. Tukoy ko a awan moy kákkonsentiyán u mágkadukás a tolay. Pero pinurbaan moy u magware-ware hide a apostol, kaya napatunayan moy a mágkabule hide.

Pahayag 3:11

Adeniyák dán a sole. Kaya itulos-tulos moy u mágkaganda moy a gimet, tánni awan ti makapang-agew tu piremyo moy a kurona.

Pahayag 3:3

Kanya ngani, isipán moy u toldu hide a tinanggap moy sakay nasaneg, sunudán moy ina hide sakay pagsisiyan moy u kasalanan moy hide. Ni awan kam lumukag ay angayák hina a konna tu káddemát nu mágtakaw, awan moy matukuyan u odas nu káddemát ko.