Pahayag 19:8 - U Maganda A Baheta Ni Jesu-Cristo

⁸ Nasulutan dán siya ti tunay a pudew sakay makasile a damit a lino.” U tunay a pudew a damit a lino ay u mágkaganda a gimet nu tolay hide a pinabanal nu Diyos.

Pahayag 19:8 ပူးပေါင်းရင်းမြစ်များ

Mateo 17:2

Alay de a he hod ay netan de a nag-iba u hupa ni Jesus: dummemlag a kumán a aldew u hupa na sakay pimmudew a makasili u damit na.

Mateo 22:12

‘Barkada, bakin nakasaddap ka he a awan nakadamit ti maganda?’ tanong na. Awan ti nakagi u tolay.

Markos 9:3

Tunay ti pudew u damit na sakay makasile a ilingán, maskin ti deya ti munduwáy ay awan ti makapagpapudew ti konna hod.

Lukas 24:4

Magulu-guluwan palla hide tu nangyare ay bigla dálla a pimmeta u duwwa a lállake a makasile ti damit.

Gimet 1:10

Mentaras a umáeleng hide ti langet ay tehhod a duwwa a lállake a nakamapudew ti badu u bigla dálla a timmaknág tu háhhawisan de.

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

Pahayag 15:4

Maskin deya ay manteng niko Panginoon! Atanan ay mángpahayag tu kadakilaan mo! Dipo hiko la u banal! U atanan a bansa ay umadene sakay sumamba niko, dipo netan nu atanan u gimet mo a banal.”

Pahayag 15:6

Limmuwas tu templo u pitto a anghel a te tatawed a pitto a salut. Nakabadu hide ti malinis a mapudew a lino, sakay tehhod hide a baregkás a ginto tu hakaw de.

Pahayag 19:14

Umunonod nikuna u sundalo hide ti langet, a nakabadu ti malinis sakay mapudew a damit a lino, sakay mágkabayo be hide ti mapudew a kabayo.

Pahayag 3:18

Kaya ngani ipayo ko nikam a mamale kam nikán ti puro a ginto tánni yumaman kam. Mamale kam be nikán ti mapudew a badu tánni mabaduwan i eklas moye a bággi, sakay gamot ti mata tánni maketa kam.