Pahayag 19:18 - U Maganda A Baheta Ni Jesu-Cristo

¹⁸ Ta kanán moy u pilas nu hare hide, nu kapitan hide, nu sundalo hide, nu kabayo hide sakay u mágkabayo hide. Kanán moy u pilas nu atanan a tolay, alipin sakay malaya, mágkababa sakay mágkataas!”

Pahayag 19:18 ပူးပေါင်းရင်းမြစ်များ

Mateo 24:28

Ni hadya te bangkay, hod be umipon u wakwak hide.”

Lukas 17:37

Tinanung nu disepulus na hide, “Hadya iye a mangyare Panginoon?” Timmábbeg siya, “Ni hádya u páppagyanan nu bangkay hide ay hod bi hod a naipun-ipun u wakwak hide.”

Pahayag 11:18

Maiyamut a tahod u tolay hide a awan tumenggi niko. Dipo dimmemát dán u odas para parusaan mo hide. Odas dán para hatulan mo u patay hide, sakay atádden ti piremyo u tagapagserbi mo hide, a prupeta, u mannampalataya hide, sakay tu atanan a te ánteng niko, mataas man ay ti mababa. Odas dán para puksaán mo u nagpahirap tu tolay hide ti munduway.”

Pahayag 13:16

Sapilitan a pinatatak nu kaduwwa a makaánteng a hayup u kawanan a kamát oni kidáp nu atanan a tolay. Mataas man oni mababa, mayaman man oni mahirap, alipin man oni malaya.

Pahayag 17:16

U sapulo a saduk a netan mo sakay u makaánteng a hayup ay maiyamut tu tanyag a bábbey ti kahalayan. Alapán de u atanan a ari-ariyan na sakay lakaden de siya a eklas. Kanán de u pilas na sakay u mabuhay ay tutudán di pa.

Pahayag 19:5

Sakay tehhod a nagupos a gábwat tu trono, kinagi na, “Puriyán moy u Diyos tam, hikam a atanan a tagapagserbi na, mágkababa oni mágkataas man, hikam ate ánteng nikuna!”

Pahayag 6:15

Nadid, u hare hide ti munduwáy sakay u gubernador hide, u heneral hide, u mágkayaman, u tehhod hide a kapangyariyan sakay u atanan a tolay, malaya oni alipin ay tumagu tu kuwe-kuweba sakay tu pag-itan nu bito-bito hide tu buked.