Pahayag 19:11 - U Maganda A Baheta Ni Jesu-Cristo

¹¹ Káttapos ni iye ay nabukasan u langet, sakay naketaák ti kabayo a mapudew. U mágkabayo ay dáddulawán de a Matapat sakay Tatahoden dipo matuwid siya a maghatul sakay mákgera.

Pahayag 19:11 ပူးပေါင်းရင်းမြစ်များ

Juan 1:51

Sakay kinagi pa ni Jesus nikuna, “Pakatandaan moy: ketan moy u langet a bumukas sakay tulos-tulos u anghel hide a umogsad sakay sumangkay tu páppágyanan nu anak nu tolay.”

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 11:19

Nabukasan u templo nu Diyos ti langet kaya áelingán u Kaban nu Kasunduwan tu disalad nu templo. Sakay káttapos ay nagkilat sakay nagkádduh. Masaneg be u mágkabegsák a hehaw, sakay maglinog be, sakay maguden ti iyelo.

Pahayag 19:19

Sakay netan ko a namággipun u makaánteng a hayup, u hare hide ti munduway, sakay u sundalo de hide tánni geraán de u mágkabayo sakay u sundalo na hide.

Pahayag 19:21

Sakay u sundalo de hide ay pinágbuno nu magkabayo tu mapudew tu pamamagitan nu áttak a magluwas tu labi na, sakay nagsawa u manok hide a mágkakanán tu bangkay de hide.

Pahayag 3:14

Isulat mo be iye tu anghel nu gurupo nu mánnampalataya hide ti Laodicea: Iye u pekagi nu te ngahan a Amen, u matapat sakay tatahoden a tistigu, sakay siya u pinaggábwatan nu atanan a linalang nu Diyos.

Pahayag 3:7

Isulat mo be iye tu anghel nu gurupo nu mánnampalataya hide ti Filadelfia: Iye u pekagi nu banal sakay u tatahoden, hod nikuna u susi oni kapangyariyan a nagsapul tu pághare ni David. Siya u maghatul ni ti deya u makasaddáp tu kahariyan na, nan awan ti makapángsiradu tu binukasan na, sakay awan ti makapangbukas tu siniraduwan na:

Pahayag 4:1

Káttapos ni iye ay naketaák ti bumábbukas a pintuwan ti langet. Sakay nasaneg ko a huway u boses a kumán a trumpeta, kinagi na, “Sumangkay ka he ta ipeta ko niko u mangyare tu pademát a panahun.”

Pahayag 6:2

Sakay káileng ko ay naketaák ti kabayo a mapudew sakay u mágkabayo ay te tatawed a pana. Inatádden siya ti kurona sakay limmakad tán mákpaglaban sakay tulos-tulos a magtagumpay.