Pahayag 18:24 - U Maganda A Baheta Ni Jesu-Cristo

²⁴ Pinarusaan nu Diyos u Babilonia dipo hod di hod a binuno u propeta hide a nángpahayag tu upos nu Diyos, sakay u atanan a tolay nu Diyos, sakay u agum pa a tolay ti lutaáy a binuno hod.

Pahayag 18:24 ပူးပေါင်းရင်းမြစ်များ

Mateo 23:27

Kakagbi kam, maisto hide nu Kautusan ni Moises sakay Pariseo hide! Mapagkunware kam! U kapareho moy hide ay u pantiyong a pinaganda, maganda ngane tu luwas pero ti disalad ay putat ti buyok sakay tulang.

Mateo 23:35

Dipo tu gimitán moy, dumemát nikam u parusa tu págbuno tu atanan nu tolay a matuwid tu buo a mundo. Magsapul tu págbuno tu awan ti kasalanan a ti Abel hanggan tu págbuno ni Zacarias a anak ni Baraquias. Binuno moy siya tu bállog nu págalayan sakay tu templo.

Gimet 7:52

Ti deya beman a prupeta i awanay pinahirapan nu nunu moy hide? Binunu de u nánghula tu káddemát nu Banal a intokyon moy be sakay impabuno.

1 Tesalonica 2:15

U Judio hide u nangpabuno tu Panginoon a ti Jesu-Cristo sakay tu prupeta hide tu itod. Sakay hide be u nangpasaket nikame. Sasala nu Diyos u ugali de, sakay kadima hide nu atanan a tolay!

Pahayag 11:7

Sakay káttapos de a magbaheta tu upos nu Diyos ay umawas tu ábbut a tunay ti kadsalad u essa a makaánteng a hayup sakay mákpaglaban nide. Matalo hide sakay mabuno nu hayup.

Pahayag 16:6

U nangbuno tu pinile mo hide sakay tu propeta hide, ay inatádden mo ti dige tánni inumán de. Ina i dapatay nide!”

Pahayag 17:6

Netan ko i bábbiyan iye a lasing tu dige nu pinile hide nu Diyos, sakay tu dige nu binábbuno na hide dipo tu kássunud de ni Jesus. Nagtakaák tu pákketa ko nikuna.

Pahayag 19:2

Dipo makatarungan sakay tama u pághatul na! Hinatulan na u raina a tanyag ti kalaswaan a nángpadukás ti munduway. Pinarusaan siya nu Diyos dipo tu pángbuno na tu tagapagserbi hide nu Panginoon!”