Pahayag 18:15 - U Maganda A Baheta Ni Jesu-Cristo

¹⁵ Awan umadene u nigosyante hide a yimmaman ti itod a banuwan dipo tu ánteng de a medamay tu pághirap na. Mamágsangitán hide sakay maglungkut.

Pahayag 18:15 ပူးပေါင်းရင်းမြစ်များ

Markos 11:17

Káttapos ay tinolduwan na u tolay hod hide, kinagi na, “Awan beman kinagi nu Diyos tu Kasulatan, u bilay ko ay bilay a págdasalan nu atanan a tolay? Pero ginimet moy a bilay nu mágtakaw hide.”

Gimet 16:19

Nikuna ketan nu amo na hide a nawanan dán hide ti pagkakitaan ay intoglad de ti Pablo sakay ti Silas sakay inyangay de hide tu matolay a lugar para iyatubang tu pinuno hide nu banuwan.

Pahayag 18:12

Awan dán ti mamale tu ginto de, silber, alahas a bito, perlas, sakay tu mágkamahal a damit a mapudew, madideg, kulay ubi, sakay seda. Awan dán ti mamale tu sare-sare hide a kalase nu mágkasáppot a kayo; sakay u kagamitan hide a gábwat tu paseng ni elepante, mágkamahal hide a kayo, tangso, bakal, sakay marmol.

Pahayag 18:13

Awan dán ti mamale ti kanela, rikadu, kamanyang, mira, sakay insenso; alak sakay langis, arina sakay trigu. Sakay awan be ti mamale ti kabakaan sakay katupaan, kakabayuwan sakay kakarwahiyan, sakay u alipin de hide a tolay.

Pahayag 18:14

Kagiyán nu nigosyante hide tu bansa a Babilonia, “Awan dán u atanan a mágkaganda a bagay a ginusto mo. Naalap dán niko u kayamanan a ipagmadakál mo. Awan dán niko pate u ganda mo; maski nikan ay awan dán sumole niko iye hide!”

Pahayag 18:19

Sakay dáttonan de ti abu u ulo-ulo de sakay magsangitan. Kagiyán de, “Kakagbi u tanyag a banuwan! Yimmaman u atanan a dinumung nikuna. Pero tu alay la nu essa a odas ay minágkawan u atanan nikuna!”

Pahayag 18:3

Nangyare iye tu banauwan nu Babilonia dipo inakit ni iye u tolay hide tu buo a mundu a sumunud tu magkalaswa na a gimet. Sakay u atanan a hare ti munduway ay kuman a nangibabbey nikuna dipo nikuna de a natukuyan u paggimet ti kahalayan. Sakay u nigosyante hide ay yimmaman dipo tu mahalay na a kákkabiyag.