Pahayag 18:13 - U Maganda A Baheta Ni Jesu-Cristo

¹³ Awan dán ti mamale ti kanela, rikadu, kamanyang, mira, sakay insenso; alak sakay langis, arina sakay trigu. Sakay awan be ti mamale ti kabakaan sakay katupaan, kakabayuwan sakay kakarwahiyan, sakay u alipin de hide a tolay.

Pahayag 18:13 ပူးပေါင်းရင်းမြစ်များ

1 Timoteo 1:10

tu masássohán hide ti mahalay a biyag. Sakay tu masoh tu kapareho na a lállake, tu mággalap hide ti tolay, tu mágkabule hide sakay tu tumistigu hide ti kakabuliyan. U Kautusan ay nedátton para tu atanan a mangkontara tu tama a adal.

2 Pedro 2:3

Sakay tu makasadile de a kagustuwan, ay dayaán dikam tu pamamagitan nu mágkaganda a upos para maalap de u kayamanan moy. Nalay dán a nakahanda u hatul a para nide, sakay u Diyos a mangparusa nide ay awan tidug.

Pahayag 18:14

Kagiyán nu nigosyante hide tu bansa a Babilonia, “Awan dán u atanan a mágkaganda a bagay a ginusto mo. Naalap dán niko u kayamanan a ipagmadakál mo. Awan dán niko pate u ganda mo; maski nikan ay awan dán sumole niko iye hide!”

Pahayag 18:15

Awan umadene u nigosyante hide a yimmaman ti itod a banuwan dipo tu ánteng de a medamay tu pághirap na. Mamágsangitán hide sakay maglungkut.