Pahayag 17:3 - U Maganda A Baheta Ni Jesu-Cristo

³ Kattapos, ay inggiyyaák nu Banal a Ispirito, inyangayák nu essa a anghel tu parang. Netan ko hod u essa a bábbey a mágsakay tu madideg a makaánteng a hayup a te pitto a ulo sakay sapulo a saduk. Sumássulat tu bággi na u upos hide a pang-insulto tu Diyos.

Pahayag 17:3 ပူးပေါင်းရင်းမြစ်များ

Mateo 27:28

Sakay inubaan de siya sakay sinulutan ti essa a damit a madideg.

Gimet 8:39

Káawas de tu dinom ay inalap nu Ispirito nu Panginoon ti Felipe. Awan dán siya netan nu pinuno, nag tulos-tulos la siya tu páglakbay na a tehhod a kasayaan.

2 Tesalonica 2:4

Kalabanán na u atanan a sássambaán sakay diyos nu tolay hide, sakay ilangkaw na u sadile na. Mággetnod siya tu disalad nu Templo nu Diyos sakay ikagi na u sadile na a siya u Diyos.

Pahayag 1:10

Sakay mentras a heyák hod, netaun be a aldew tu itod nu pággipun-ipun para sumamba tu Pangioon Jesus, hikan ay inggiya nu Ispiritu nu Diyos sakay nasaneg ko tu áadággen ko u mabegsák a boses a kumán a tánnog ni trumpeta.

Pahayag 12:14

Pero naatádden u bábbey ti pakpak a konna tu dakál a agila tánni makaegbáh a patamo tu parang. Hod siya a alagaan tu alay nu tállo a taon ay ti kalahate tánni awan siya maaánya nu biklat.

Pahayag 12:3

Sakay tehhod pa a essa a senyal a limmitaw ti langet: essa a dragon a madideg. Tehhod siya a pitto a ulo sakay sapulo a saduk sakay tehhod a kurona u bawat ulo na.

Pahayag 12:6

Sakay u bábbey ay gimminan tu parang, tu lugar a inhanda nu Diyos para nikuna. Para maalagaan siya hod tu alay nu essa a libu sakay duwwadatos ay ti ánnam a pulo a aldew.

Pahayag 17:18

U bábbey a netan mo ay u tanyag a banuwan a sássunudán nu hare hide ti munduway.”

Pahayag 17:4

Nakabadu ti madideg sakay kulay ubi u bábbey. Sakay makpal siya a sulot a alahas a ginto, mahalaga a bito, sakay perlas. Tatawed na u tasa a ginto a putat tu kadukássan na sakay tu mágkalaswa na a gimet.

Pahayag 18:12

Awan dán ti mamale tu ginto de, silber, alahas a bito, perlas, sakay tu mágkamahal a damit a mapudew, madideg, kulay ubi, sakay seda. Awan dán ti mamale tu sare-sare hide a kalase nu mágkasáppot a kayo; sakay u kagamitan hide a gábwat tu paseng ni elepante, mágkamahal hide a kayo, tangso, bakal, sakay marmol.

Pahayag 18:16

Kagiyán de, “Kakagbi u tanyag a banuwan! Tu itod, u tolay hod hide ay nabaduwan ti mágkamahal a damit, sakay sare-sare a alahas a konna tu ginto, mamahalin a bito, sakay perlas!

Pahayag 21:10

Inggiyyaák nu Ispirito, sakay inyangayák nu anghel tu tunay ti langkaw a buked. Impeta na nikán u Jerusalem u Banal a Banuwan a pasidung a gábwat tu Diyos ti langet.

Pahayag 4:2

Biglaák a inggiya nu Banal a Ispirito nu Diyos, sakay netan ku hod ti langet u essa a trono a tehhod a essa a mággetnod sakay u mággetnod hod.