Pahayag 17:18 - U Maganda A Baheta Ni Jesu-Cristo

¹⁸ U bábbey a netan mo ay u tanyag a banuwan a sássunudán nu hare hide ti munduway.”

Pahayag 17:18 ပူးပေါင်းရင်းမြစ်များ

Lukas 2:1

Nadid, ti panahunan itod ay nagutus ti Agusto a Emperador ti Roma a dapat a magparihistro u atanan a tolay a nasakupan na.

Pahayag 11:8

U bangkay de hide ay kapayad-payad tu karsada nu tanyag a banuwan a nepakuwan nu Panginoon de tu itod. Ngángngahanan de iye a Sodoma sakay Egipto pero bakan iye u tatahoden a ngahan na.

Pahayag 12:4

Kinahed nu ipos na u katállo a parte nu biton hide ti langet sakay insapwag na itod ti lutaáy. Káttapos ay timmaknág siya tu áoyadan nu bábbey a adene dán a magenak tánni itálmok na u anak tu kálluwas na.

Pahayag 16:19

Minahate ti tállo a parte u Babilonia a tunay ti kadakál a banuwan. Sakay u atanan a banuwan ti munduway ay nágkasida. Tinupad nu Diyos u kinagi na tungkul tu tanyag a Babilonia, kanya imbuhus na hod u matindi na parusa a paketaan tu iyamut na.

Pahayag 18:2

Sakay pimmákhaw siya ti tunay a begsák, kinagi na, Nasida dán! Nasida dán u tanyag a Babilonia! Bilay dálla siya nadid nu dimonyo hide, piresuwan nu mágkadukás a ispirito, sakay páppágyanan dálla nu mágkadangát a manok.