Pahayag 17:12 - U Maganda A Baheta Ni Jesu-Cristo

¹² U sapulo a saduk a netan mo ay u sapulo a hare a awan palla naghare, pero atádden hide ti kapangyariyan a maghare ti essa-odas la kaguman nu makaánteng a hayup.

Pahayag 17:12 ပူးပေါင်းရင်းမြစ်များ

Pahayag 10:11

Sakay kinagi na nikán, “Kailangan a ipakapospos mo huway u pahayag nu Diyos tungkul tu iba-iba a tolay, bansa, upos, sakay tu hare hide.”

Pahayag 12:3

Sakay tehhod pa a essa a senyal a limmitaw ti langet: essa a dragon a madideg. Tehhod siya a pitto a ulo sakay sapulo a saduk sakay tehhod a kurona u bawat ulo na.

Pahayag 13:1

Nadid, naketaák ti makaánteng a hayup a immawas tu diget, tehhod siya a pitto a ulo sakay sapulo a saduk. Tehhod a kurona u bawat saduk, sakay tu bawat ulo ay te nakasulat a ngahan a mang-insulto tu Diyos.

Pahayag 17:16

U sapulo a saduk a netan mo sakay u makaánteng a hayup ay maiyamut tu tanyag a bábbey ti kahalayan. Alapán de u atanan a ari-ariyan na sakay lakaden de siya a eklas. Kanán de u pilas na sakay u mabuhay ay tutudán di pa.

Pahayag 18:10

Mágtaknág la hide tu adeyo dipo tu ánteng de a medamay tu parusa na. Kagiyán de, “Kakagbi u Babilonia mabegsák sakay tanyag a bansa! Tu essa la a odas ay dumemát u parusa nikuna!”

Pahayag 18:17

Tu alay la nu essa a odas ay nawan u atanan a kayamanan na!” Mágtannaw tu adeyo u kapitan hide, u mágsakay hide, u tripulante hide tu pangdiget a págsakayan, konna bi hod tu atanan nu maghanapbuhay tu diget.

Pahayag 18:19

Sakay dáttonan de ti abu u ulo-ulo de sakay magsangitan. Kagiyán de, “Kakagbi u tanyag a banuwan! Yimmaman u atanan a dinumung nikuna. Pero tu alay la nu essa a odas ay minágkawan u atanan nikuna!”