Pahayag 17:11 - U Maganda A Baheta Ni Jesu-Cristo

¹¹ Pero u makaánteng a hayup a biyag tu itod pero nadid ay patay dán ay siya u kawalo a hare, kaguman be nu pitto. Sakay u keangayan na ay u kaparusaan.

Pahayag 17:11 ပူးပေါင်းရင်းမြစ်များ

Pahayag 13:10

Ni deyaman u netakda a madakáp ay sadya a madakáp; sakay ni deyaman u netakda a matay ti áttak ay sadya a matay ti áttak. Kaya kailangan a magpakatatag sakay manalig u pinile hide nu Diyos.”

Pahayag 13:12

Ginamit na u atanan a kapangyariyan nu purumero a makaánteng a hayup tánni ipatupad u kagustuwan na hide. U atanan a tolay ti munduwáy ay pinilit na a sumamba tu purumero a makaánteng a hayup a natalinguwan pero nagpiyya.

Pahayag 13:3

U essa tu ulo hide nu makaánteng a hayup ay tehhod a talingo a ngahe-ngahe na dán a katayan, pero nagpiyya itod. Kanya himmanga u atanan a tolay ti munduwáy tu nangyare kaya simmunud hide nikuna.

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.