Pahayag 16:9 - U Maganda A Baheta Ni Jesu-Cristo

⁹ Nágkatutod ngane hide dipo tu tindi nu init. Pero sinumpa di pa u ngahan nu Diyos a te kapangyariyan a mángpatawed ti salutan iye hide, embes a magsise hide sakay magpure tu Diyos.

Pahayag 16:9 ပူးပေါင်းရင်းမြစ်များ

Lukas 13:3

Pero tandaan moy i kagiyán kuwáy nikam, ni awan kam magsise tu kasalanan moy hide ay matay kam labe a konna nide.

Lukas 13:5

Pero tandaan moy i kagiyán kuwáy nikam, ni awan kam magsise tu kasalanan moy hide, ay mepahamak kam labe a konna nide.”

2 Corinto 12:21

Mággaisipánnák a bakay káangay ko hina a huway ay mepasanikiyák tu atubang nu Diyos dipo nikam. Makay malungkuták ni tu káddemát ko hina, ay te sangan padi nikam a awan palla nagsise to ginimet de a madukás. Lalu dán tu pángngibábbey sakay tu pángngilállake.

Pahayag 11:13

Naglinog ti tunay a begsák ti itod be a odas. Nasida u kasapulo a parte nu banuwan, sakay pitto a libu a tolay u natay. Mineántingan u nabuhay hide a tolay, kaya tinengge de u kadakilaan sakay kapangyariyan nu Diyos ti langet.

Pahayag 14:7

Sakay kinagi na ti mabegsák, “Magkahod kam ti ánteng tu Diyos, sakay parangalan moy siya! Dipo dimmemát dán u odas nu pághatul na. Sambaán moy u Diyos a nanglalang tu langet, tu luta, tu diget, sakay tu hábwayan hide!”

Pahayag 16:21

Sakay naguden ti dáddakkál a iyelo a kumilo ti manga limmapulo u balang essa, sakay nágkatáppelan u katolayan. Dipo ti iye ay sinumpa nu katolayan u Diyos dipo ti iye a makaánteng a salut a dinanas de.

Pahayag 2:21

Inatádden ko siya ti pagkakataun para magsise sakay adággen u madukás na a kákkabiyag, pero umád na.

Pahayag 9:20

Pero u tolay hide a awan natay ti iye hide a salut ay awan padi nagsise. Awan hide immadág sakay ummimang tu págsamba de tu dimonyo sakay tu diyos-diyosan a ginággimet di la be. Iye hide ay gimet tu ginto, pilak, tangso, bito, sakay kayo, a awan maketa, makasaneg, oni makalakad.