Pahayag 16:21 - U Maganda A Baheta Ni Jesu-Cristo

²¹ Sakay naguden ti dáddakkál a iyelo a kumilo ti manga limmapulo u balang essa, sakay nágkatáppelan u katolayan. Dipo ti iye ay sinumpa nu katolayan u Diyos dipo ti iye a makaánteng a salut a dinanas de.

Pahayag 16:21 ပူးပေါင်းရင်းမြစ်များ

Pahayag 11:19

Nabukasan u templo nu Diyos ti langet kaya áelingán u Kaban nu Kasunduwan tu disalad nu templo. Sakay káttapos ay nagkilat sakay nagkádduh. Masaneg be u mágkabegsák a hehaw, sakay maglinog be, sakay maguden ti iyelo.

Pahayag 16:11

Sakay sinumpa di pa u Diyos ti langet dipo tu dáddanasán de a hirap sakay tu talingo de hide. Awan di pade pinagsisiyan u gimet de hide a mágkadukás.

Pahayag 16:9

Nágkatutod ngane hide dipo tu tindi nu init. Pero sinumpa di pa u ngahan nu Diyos a te kapangyariyan a mángpatawed ti salutan iye hide, embes a magsise hide sakay magpure tu Diyos.

Pahayag 8:7

Nikuna patánnugán nu purumero a anghel u trumpeta na ay naguden tu luta ti iyelo sakay apoy a te kahalo a dige. Kaya natutod u katállo a parte ni lutaáy, u katállo a parte nu kakayowan, sakay u atanan a lamon.