Pahayag 16:17 - U Maganda A Baheta Ni Jesu-Cristo

¹⁷ Imbulak nu kapitto a anghel u lasán nu malukung na tu pahás. Sakay tehhod a mabegsák a boses a gábwat tu trono tu templo, u nagupos a, “Natapos dán!”

Pahayag 16:17 ပူးပေါင်းရင်းမြစ်များ

Juan 19:30

Nikuna a masápsáp dán ni Jesus u alak ay kinagi na, “Natapos dán.” Indukog na u ulo na sakay nabágsutan siya ti angás.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Efeso 6:12

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

Pahayag 11:15

Nikuna patánnugán dán nu kapitto a anghel u trumpeta na ay tehhod a mágkabegsák a boses a gábwat ti langet a nagupos, “U pághare ti munduwáy ay neagton dán tu Panginoon tam sakay ni Cristo. Maghare siya hanggan-hanggan”

Pahayag 11:19

Nabukasan u templo nu Diyos ti langet kaya áelingán u Kaban nu Kasunduwan tu disalad nu templo. Sakay káttapos ay nagkilat sakay nagkádduh. Masaneg be u mágkabegsák a hehaw, sakay maglinog be, sakay maguden ti iyelo.

Pahayag 14:15

Sakay te essa pa a anghel a limmuwas tu templo. Sakay kinagi na ti mabegsák tu mággetnod tu panganurin, “Gamitán mu dán i karit muwe, maggapas ka dán dipo sákgapas dán, naluto dán u gapasán ti lutaáy!”

Pahayag 14:17

Sakay te essa pa a anghel a limmuwas tu templo ti langet a te tatawed a matadám a karit.

Pahayag 16:1

Nadid, nakasanigák ti mabegsák a boses a gábwat tu templo a magutus tu pitto a anghel, “Kad moy dán, ibulak moy dán u parusa nu Diyos tu tolay hide ti munduway, a gabwat ti pittuwan ina a malukung!”

Pahayag 21:6

Sakay kinagi na pa, “Natupad dán! Hikán u Alpa sakay u Omega, u sapul ay tu katapusan nu atanan. Ni deya man u mauwaw ay atádden ko ti dinom a awan ti bayad a gábwat tu bukal a makapangatád ti biyag a awan ti kahád.