Pahayag 16:10 - U Maganda A Baheta Ni Jesu-Cristo

¹⁰ Imbulak nu kalimma a anghel u lasán nu malukung na tu trono nu makaánteng a hayup, kaya dinumiklám u kahariyan na. Dipo tu apdás a mabate nu tolay hide, pate u dila de ay kagitán de.

Pahayag 16:10 ပူးပေါင်းရင်းမြစ်များ

Mateo 13:42

Ibut hide nu anghel tu impiyerno sakay hod hide a mágsasangitán sakay mággáadoyán tu hirap.

Mateo 13:50

Iyangay de u makasalanan ti impiyerno. Hod ay mágsasangitán hide sakay mággáadoyán.”

Mateo 22:13

Kaya kinagi nu hare tu utusan na hide ‘Gilotán moy u kamát na sakay tikád sakay itapduk siya tu pinakamadihám a lugar a hod tu luwas. Hod ay mághirap siya ti grabe sakay mággaadoyan’ ”.

Mateo 24:51

Grabe a higpit u magin parusa nu amo ti alipin an itod. Iyangay siya tu lugar a kaguman u mapagkunware hide. Hod hide a maghirap a tahod sakay mággaadoyán.”

Mateo 8:12

Pero makpal tu Israelita hide a dapat a mesali ay awan mesali tu handaan. Hod hide a iyangay ti impiyerno. Hod hide a magsanget sakay maghirap a tahod.”

Lukas 13:28

Mágsasangitán kam sakay magngahitáb u ngipa-ngipán moy kapag ketan moy a katoy tu kahariyan nu Diyos di Abraham, Isaac sakay ti Jacob sakay u atanan nu prupeta hide sakay hikam ay palayasán tu luwas.

1 Pedro 2:17

Igalang moy u atanan a tolay sakay mahalán u kákkapatkákka tam ni Cristo. Mabiyag kam a tehhod a ánteng tu Diyos sakay tehhod a pággalang tu Hare.

Pahayag 11:10

Magsaya a tahod u atanan a tolay ti munduwáy dipo tu kákkatay ni duwwaan iye. Mamággatádden hide ti rigalo dipo tu kasayaan de, dipo i duwwaan iye a prupeta u nangatád nide ti dakál a kahirapan.

Pahayag 11:2

Pero dyan mu dán sukatán u laguwerta nu templo, dipo neatád dán itod tu tolay hide a awan tumenggi tu Diyos. Awan de igalang u Banal a Banuwan tu alay nu áppat a pulo ay ti duwwa a bulan.

Pahayag 11:8

U bangkay de hide ay kapayad-payad tu karsada nu tanyag a banuwan a nepakuwan nu Panginoon de tu itod. Ngángngahanan de iye a Sodoma sakay Egipto pero bakan iye u tatahoden a ngahan na.

Pahayag 17:17

Ginusto nu Diyos a gimitan nu sapulo a hare u planu na. Kanya namagkasundu u sapulo a hare a ipasakup tu makaánteng a hayup u kapangyariyan de sakay u karapatan de a mamuno, hanggan a matupad u upos nu Diyos.

Pahayag 17:9

Kailangan he u karunungan para maintendiyan u tama, u kahulugen ni iye hide. U pitto a ulo ay u pitto a buked a pággetnudan nu bábbey. U pittuwan itod a buked ay u pitto a hare,

Pahayag 18:2

Sakay pimmákhaw siya ti tunay a begsák, kinagi na, Nasida dán! Nasida dán u tanyag a Babilonia! Bilay dálla siya nadid nu dimonyo hide, piresuwan nu mágkadukás a ispirito, sakay páppágyanan dálla nu mágkadangát a manok.

Pahayag 18:21

Káttapos ay tehhod a essa a makapangyariyan a anghel a nangágkat ti bito a konna tu dakál a gilingan. Imbatikal na itod tu diget sakay kinagi na, “Konna he u pángsida tu tanyag a banuwan nu Babilonia, sakay awan dán keketan a huway!

Pahayag 18:23

Awan dán be maski essa a sulo a magdemlag hina; sakay awan dán masasaneg hina u mágkasaya a boses nu ikasal hide. Dipo nagin tanyag ti munduway u nigosyante hina hide, sakay nadaya u atanan a tolay ti munduway tu pamamag-itan nu anting-anting nu tolay hide a magyan hina.”

Pahayag 8:12

Nikuna patánnugán nu kaáppat a anghel u trumpeta na ay nasida u katállo a parte nu aldew, bulan, sakay u biton hide, kaya nawan u katállo a parte a demlag de. Dinumiham u katállo a parte nu aldew, sakay konna bi hod u katállo a parte nu gibi.

Pahayag 9:2

Nikuna a bukasan nu biton u ábbut a tunay ti kadsalad ay limmuwas u asok a tunay a bagál a kumán a asok nu makpál a nagtutudan. Kaya nagdiham u aldew sakay u panganurin dipo natakáppan tu asok.