Pahayag 15:1 - U Maganda A Baheta Ni Jesu-Cristo

¹ Nadid, naketaák ti essa pa a makataka-taka a pangitain ti langet: te pitto a anghel a te manga táttawed a salut. Iye hide u dimodyan a salut, dipo he a matapos u matindi a iyamut nu Diyos.

Pahayag 15:1 ပူးပေါင်းရင်းမြစ်များ

Pahayag 10:3

Sakay pimmákhaw siya, u boses na ay kumán a tagguwang ni liyon. Tinábbeg siya nu pitto a kádduh.

Pahayag 11:14

Limmipas dán u kaduwwa a makaánteng a pangyayare, pero dumáddadedemát dán u katállo.

Pahayag 14:10

ay danasán de u iyamut nu Diyos a awan ti halo a kagbi. Sadya a parusaan hide tu apoy ay tu asupre tu atubang nu banal hide a anghel sakay tu Tupa.

Pahayag 14:19

Kaya inwasiwas nu anghel u karit na ti lutaáy sakay naane u atanan a ubas. Sakay intogbak na tu págpáspássan ti ubas. U gusto a kagiyán ni iye ay u tolay hide a magdanas tu matindi a parusa a iyamut nu Diyos.

Pahayag 16:1

Nadid, nakasanigák ti mabegsák a boses a gábwat tu templo a magutus tu pitto a anghel, “Kad moy dán, ibulak moy dán u parusa nu Diyos tu tolay hide ti munduway, a gabwat ti pittuwan ina a malukung!”

Pahayag 17:1

Nadid ay immadene nikán u essa tu pitto a anghel a te tatawed a pitto a malukung, kinagi na, “Karon he, ta ipeta ko niko ni kodya a parusaan u raina nu kahalayan. I bábbiyan iye ay u dakál a banuwan a netaknág tu adene nu pamágtagbuwan nu makpal a konayan.

Pahayag 19:15

Tehhod a magluwas tu labi na a matalas a áttak; gamitán na iye para pangdaig tu bansa hide. Paghariyan na hide ti sampilitan sakay awan ti sumuway nikuna. U tolay hide ti munduway a komontara tu Diyos ay iparanas na nide u págparusa nu Diyos a makapangyariyan tu atanan. Iye u gusto a kagiyan nu pagbulusán na tu págpáspássán ti ubas u alak nu iyamut nu Diyos.

Pahayag 21:9

Immadene nikán u essa tu pitto hide a anghel a te tatawed a pitto a malukung a putat tu pitto a katapusan a salut. Kinagi na, “Karon he, ta ipeta ko niko u bábbey a magin kabanga nu Tupa.”

Pahayag 8:13

Káttapos ni itod ay naketaák ti agila a magegbáh tu kalawakan sakay nasaneg ko a makán pákhawán, “Makaánteng i mangyariyay tu katoy hide ti munduway, ni patánnugán dán nu tállo pa a anghel u trumpeta de hide!”

Pahayag 8:2

Káttapos ay netan ko u pitto a anghel a mágtaknág tu atubang nu Diyos. Sakay u balang essa nide ay inatádden ti trumpeta.

Pahayag 8:6

Nadid, himmanda dán u pitto a anghel para patánnugán u trumpeta de hide.

Pahayag 9:20

Pero u tolay hide a awan natay ti iye hide a salut ay awan padi nagsise. Awan hide immadág sakay ummimang tu págsamba de tu dimonyo sakay tu diyos-diyosan a ginággimet di la be. Iye hide ay gimet tu ginto, pilak, tangso, bito, sakay kayo, a awan maketa, makasaneg, oni makalakad.