Pahayag 14:4 - U Maganda A Baheta Ni Jesu-Cristo

⁴ Iye u lállake hide a awan nagkahod ti ánya man a kaugnayan tu bábbey; awan hide nákkabanga. Immunonod hide tu Tupa maskin hádya u angayan na. Iye u tolay hide a natubus ti munduway bilang purumero a alay tu Diyos sakay tu Tupa.

Pahayag 14:4 ပူးပေါင်းရင်းမြစ်များ

Mateo 19:12

Dipo te iba iba a dahilan ni bakin te lállake a awan makkabanga: u agum ay dipo neenak hide a awan maari mákduhog; u agum ay dipo naoperaan hide. U agum ay awan nakkabanga para mas makapagserbi hide tu Diyos ti maayos. Ni matanggap moy iye a adal ay gimetán moy.”

Mateo 25:1

Kinagi pa ni Jesus “Kona he a talinghaga a mepareho u kahariyan nu Diyos: Te sapulo a mámmadiket a amigo nu ikasal hide. Ayon tu kaugalian de, tu aldew nu kasal ay tagbuwan de u lállake a ikasal a te tawed u bawat essa nide a simbuwan.

Mateo 8:19

Pero bagu hide a nakaahabes ay inadeniyan siya nu essa a maisto nu Kautusan. Kinagi na ni Jesus “Maisto, kumuyugák niko maski hadya u angayan mo. Gusto ko a magin disepulus mo.”

Juan 10:27

Mágsaneg nikán u tupa ko hide. Tukoy ko hide sakay sumunud hide nikán.

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Juan 13:37

Nagtanung pa ti Pedro, “Panginoon, bakin a awanák maare a mákkuyog niko nadid? Handaák la be a matay para niko.”

Juan 8:12

Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.”

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

1 Corinto 16:15

Nadid, kákkapatkákka ko hide, tukoy moy a u pamilya ni Estefanas u kadipalonguwan a Kristiyano ti Acaya; sakay inlaan de u sadile de tu págserbi tu pinile hide nu Diyos. Ipákpágguhon ko nikam,

1 Corinto 6:20

Dipo natubus kamon ti dakál a halaga. Kaya gamitán moy u bággi moy para maparangalan u Diyos.

1 Corinto 7:28

Pero ni mákkabanga kam, ay awan kam magkasala. Sakay ni mákkabanga be u madiket ay awan siya magkasala. Pero u mákkabanga ay makadanas ti makpal a hirap ti biyagan iye, sakay ina a hirap u gusto ko a maiwasan moy.

2 Corinto 11:2

Dakál u págmalasakit ko nikam konna tu págmalasakit nu Diyos. Konna kam tu essa a malinis a madiket a ingkasundu ko tu essa a lállake, ni Cristo.

Efeso 1:14

U Banal a Ispirito u katibayan a matanggap tam a gábwat tu Diyos u impanantu na hide hanggan makao tam u ganap a kaligtasan. Kaya puriyán tam u makapangyariyan a Diyos.

Efeso 5:27

Tánni meatubang na u mánnampalataya hide tu sadile na a maganda, banal, awan ti kapintasan sakay ányaman a dangát.

1 Timoteo 4:3

Ibawal de u pákkabanga sakay u agum a kalase a makan. Makan a u Diyos la u nanglalang a dapat nakwa a kanán ate págpasalamat lalu dán nikitam a mánnampalataya hide sakay nakatukoy tu tatahoden.

Hebreo 12:23

Umadene kam tu masaya a paggipun-ipun nu imbilang nu Diyos a panganay a anak na hide a nakalista ti langet u ngaha-ngahan de. Umadene kam tu Diyos a hukum nu atanan, sakay tu ispirito nu tolay hide a inturing nu Diyos a banal sakay ginimet na dán a ganap.

Santiagu 1:18

Ayun tu kaluuban nu Diyos ay ginimet na kitam a anak na hide tu pamamag-itan nu impakapospos na a upos na a tatahoden, tánni magin pinakamahalaga kitam tu atanan a linalang na.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”

Pahayag 21:22

Sakay napansin ko a awan ti templo tu banuwan dipo mismo a u Panginoon a Diyos a Makapangyariyan tu atanan sakay u Tupa u pinakatemplo hod.

Pahayag 21:23

Awan dán kailangan u aldew oni u bulan para mangdemlag tu banuwan, dipo u kaluwalhatiyan nu Diyos u mangdemlag hod, sakay u Tupa u simbuwan.

Pahayag 3:4

Konna pa man hod ay tehhod a sasangan hina ti Sardis a awan immaheg tu mágkadukás a gimet nu agum, kumán de a iningatan u badu de a malinis, kaya makaguman ko hide a nakabadu ti mapudew dipo karapat-dapat hide.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.