Pahayag 14:2 - U Maganda A Baheta Ni Jesu-Cristo

² Sakay nasaneg ko u boses a gábwat ti langet a kumán a tánnog ni tapaw sakay tánnog ni kádduh. U boses a nasaneg ko ay kumán a tánnog nu mamágtogtugan hide ti alpa.

Pahayag 14:2 ပူးပေါင်းရင်းမြစ်များ

1 Corinto 13:1

Nadid, ni makapagupusák man tu iba-iba a upos sakay tu upos nu anghel hide, ni awanák ti págmahal ay kumánnák la a bating-tingan oni pompiyang a makán tánnugán.

Pahayag 1:10

Sakay mentras a heyák hod, netaun be a aldew tu itod nu pággipun-ipun para sumamba tu Pangioon Jesus, hikan ay inggiya nu Ispiritu nu Diyos sakay nasaneg ko tu áadággen ko u mabegsák a boses a kumán a tánnog ni trumpeta.

Pahayag 1:15

Magkinang-kinang u tikád na a kumán a tangso a nagdaman ti apoy sakay pinakintab. Sakay u boses na ay kumán a tánnog nu sánnad.

Pahayag 11:12

Káttapos ay nasaneg de a nagupos u tunay a begsák a boses a gábwat ti langet, “Sumangkay kam he!” Summangkay ngane hide ti langet a nakasakay tu panganurin mentaras a umáeleng nide u kadima de hide.

Pahayag 11:15

Nikuna patánnugán dán nu kapitto a anghel u trumpeta na ay tehhod a mágkabegsák a boses a gábwat ti langet a nagupos, “U pághare ti munduwáy ay neagton dán tu Panginoon tam sakay ni Cristo. Maghare siya hanggan-hanggan”

Pahayag 15:2

Naketaák ti kumán a diget a bubug a maggehab. Netan ko be u nangtalo hide tu makaánteng a hayup sakay tu awan hide simmamba tu rebulto na, sakay u awan hide natatakan tu ngahan na a katumbas nu nomiro a 666. Mágtaknág hide tu diget a kumán a bubug, táttawed de u alpa a inyatád nu Diyos.

Pahayag 18:22

Sakay awan dán masasaneg hina u boses nu mágkansiyon hide, u togtog nu alpa, plauta, sakay trumpeta! Awan dán ketan hina u mágkalalake hide a tarabahador, sakay awan dán be masasaneg u tánnog nu gilingan hide!

Pahayag 5:8

Nikuna a alapán na iye ay limmuhud tu atubang nu Tupa u áppat a linalang a biyag sakay u duwwa a pulo ay ti áppat a tagapangasiwa. Bawat essa ay tehhod a táttawed a alpa sakay tehhod a ginto a malukung a putat ti insenso. Saiye u dasal nu tolay hide nu Diyos.

Pahayag 6:1

Nadid, áelingán ko nikuna a ibutan nu Tupa u essa tu pitto a selyo. Sakay nasaneg ko a nagupos, a kasimbegsák nu kádduh, u essa tu áppat a linalang a biyag, kinagi na, “Karon he!”

Pahayag 8:7

Nikuna patánnugán nu purumero a anghel u trumpeta na ay naguden tu luta ti iyelo sakay apoy a te kahalo a dige. Kaya natutod u katállo a parte ni lutaáy, u katállo a parte nu kakayowan, sakay u atanan a lamon.