Pahayag 14:15 - U Maganda A Baheta Ni Jesu-Cristo

¹⁵ Sakay te essa pa a anghel a limmuwas tu templo. Sakay kinagi na ti mabegsák tu mággetnod tu panganurin, “Gamitán mu dán i karit muwe, maggapas ka dán dipo sákgapas dán, naluto dán u gapasán ti lutaáy!”

Pahayag 14:15 ပူးပေါင်းရင်းမြစ်များ

Mateo 13:30

Pabayan moy dán hide a sabay a dumakál hanggan tu pággani tam. Utusan ko la u magani hide a ‘Dipalongo moy a bagután u madukás hide a halaman. Tapos ay bádbáddán moy hide para tutudán. Pero aniyán moy u bunga nu maganda a halaman sakay idátton moy tu bilay ko.’”

Mateo 13:39

U kadima a nagmula tu madukás a kalase nu halaman ay ti Satanas. U pággani ay u katapusan nu mundu sakay u magani hide ay u anghel hide.

Mateo 23:32

Sige! Tapusán moy u sinapulan nu nuno moy hide!

Markos 4:29

Sakay ni naluto dán ay aniyán dán iye nu kekkao, dipo odas dán a aniyán.”

1 Tesalonica 2:16

Pilitán di kame a pugáddan tánni awan me mepangaral u Maganda a Baheta nu kaligtasan tu Hentil hide. Naputat dán hide ti kasalanan, kaya nadid ay meangay dán nide u iyamut nu Diyos.

Pahayag 11:19

Nabukasan u templo nu Diyos ti langet kaya áelingán u Kaban nu Kasunduwan tu disalad nu templo. Sakay káttapos ay nagkilat sakay nagkádduh. Masaneg be u mágkabegsák a hehaw, sakay maglinog be, sakay maguden ti iyelo.

Pahayag 13:12

Ginamit na u atanan a kapangyariyan nu purumero a makaánteng a hayup tánni ipatupad u kagustuwan na hide. U atanan a tolay ti munduwáy ay pinilit na a sumamba tu purumero a makaánteng a hayup a natalinguwan pero nagpiyya.

Pahayag 14:14

Káileng ko ay naketaák ti mapudew a panganurin, sakay mággetnod hod u kumán a Anak nu Tolay. Tehhod siya a kurona a ginto sakay te tatawed a matadám a karit.

Pahayag 14:16

Kaya tu pángwasiwas nu mággetnod tu panganurin tu karit na ay nagapas u dapat a aniyán ti lutaáy.

Pahayag 14:17

Sakay te essa pa a anghel a limmuwas tu templo ti langet a te tatawed a matadám a karit.

Pahayag 14:18

Lummuwas tu altar u essa pa a anghel a nakabahala tu apoy. Kinagi na ti mabegsák tu anghel a te tatawed a matalas a karit, “Gamitán mu dán i karit muwe, aniyán mo dán u atanan a ubas ti lutaáy, ta nágkaluto dán!”

Pahayag 15:6

Limmuwas tu templo u pitto a anghel a te tatawed a pitto a salut. Nakabadu hide ti malinis a mapudew a lino, sakay tehhod hide a baregkás a ginto tu hakaw de.

Pahayag 16:17

Imbulak nu kapitto a anghel u lasán nu malukung na tu pahás. Sakay tehhod a mabegsák a boses a gábwat tu trono tu templo, u nagupos a, “Natapos dán!”

Pahayag 6:10

Makán pákhawán hide ti mabegsak, “Panginoon a Makapangyariyan, banal sakay tatahoden! Hanggan nikan kame pa a maguhay bagu mo a hatulan sakay parusaan u tolay hide a nangbuno nikame?”