Pahayag 14:14 - U Maganda A Baheta Ni Jesu-Cristo

¹⁴ Káileng ko ay naketaák ti mapudew a panganurin, sakay mággetnod hod u kumán a Anak nu Tolay. Tehhod siya a kurona a ginto sakay te tatawed a matadám a karit.

Pahayag 14:14 ပူးပေါင်းရင်းမြစ်များ

Mateo 13:30

Pabayan moy dán hide a sabay a dumakál hanggan tu pággani tam. Utusan ko la u magani hide a ‘Dipalongo moy a bagután u madukás hide a halaman. Tapos ay bádbáddán moy hide para tutudán. Pero aniyán moy u bunga nu maganda a halaman sakay idátton moy tu bilay ko.’”

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Markos 4:29

Sakay ni naluto dán ay aniyán dán iye nu kekkao, dipo odas dán a aniyán.”

Lukas 21:27

Ti Panahunan itod ay ketan de u Anak nu Tolay a pasidung tu panganurin a te kapangyariyan sakay grabi a demlag.

Hebreo 2:9

Pero tukoy tam ti Jesus, maski ni nebaba ti sabadit a panahun tu anghel hide, ay naatádden ti karangalan sakay kaluwalhatian dipo tu kákkatay na. Dipo tu habag nu Diyos nikitam ay ingkaluub na a matay ti Jesus para nikitam a atanan.

Pahayag 1:13

Sakay tu bállog nu simbuwan hide ay te netanák a mágtaknág a kumán a Anak nu Tolay. Nakabadu siya ti malayon a hanggan tu bulong na. Sakay tehhod a baregkás a ginto a umáabadáy tu hakaw na.

Pahayag 1:7

Tandaan moy! Dumemát siya a huway a napalebutan nu diklam, sakay ketan nu atanan a tolay maski u nangpika hide ni kuna tu wahes na tu itod. Sakay u atanan a tolay ti munduway a awan sumampalataya nikuna ay magsanget dipu tu ánteng de tu págparusa na nide. Talaga a konna he u mangyare! Amen.

Pahayag 10:1

Nadid, kállipas ni iye ay naketaák dámman ti essa a makapangyariyan a anghel a gábwat ti langet. Nabalutan siya ti diklám sakay tehhod a balangaw tu ulo na. Magdemlag a kumán a aldew u hupa na, sakay kumán a adigi a apoy u tika-tikád na.

Pahayag 11:17

Kinagi de: “Panginoon a Diyos a Makapangyariyan tu atanan, Diyos tu kasalukuyan, sakay Diyos tu nakalipas. Magpasalamat kami niko dipo ginamit mo dán u kapangyariyan mo a awan ti kahád. Sakay magsapul ka dán a maghare!

Pahayag 19:12

Kumán a maggehab a apoy u mata na, sakay makpal siya a kurona. Sumássulat tu bággi na u ngahan na, pero siya la i makatukuya'y tu gustu na a kagiyán.

Pahayag 20:11

Káttapos ay netan ko u dakál a trono a mapudew sakay tehod a mággetnod hod. Nawan u luta ay tu langet tu atubang na, sakay awan dán nenetan a huway.

Pahayag 6:2

Sakay káileng ko ay naketaák ti kabayo a mapudew sakay u mágkabayo ay te tatawed a pana. Inatádden siya ti kurona sakay limmakad tán mákpaglaban sakay tulos-tulos a magtagumpay.