Pahayag 14:13 - U Maganda A Baheta Ni Jesu-Cristo

¹³ Sakay nasaneg ko u boses a gábwat ti langet a nagupos, “Isulat mo iye: Sapul nadid ay pinagpala u magserbi hide tu Panginoon ati Jesus hanggan tu kákkatay de!” “Tatahoden,” kagi nu Banal a Ispirito. “Makaimang dán hide tu pághirap de; dipo maalap di dán u gantimpala tu mágkaganda de a ginimet.”

Pahayag 14:13 ပူးပေါင်းရင်းမြစ်များ

Mateo 3:17

Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”

Lukas 16:25

Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina.

Lukas 16:9

Sakay káttapos ay kinagi ni Jesus, “Kagiyán ko nikam, gamitán moy u kayamanan moy ti lutaáy tu paggimet ti maganda tu kapareho a tolay. Maskin maubus iye ay tehhod a mangtanggap nikam tu bilay na a awan ti kahad ti langet.

Roma 14:8

Ni hikitam ay mabiyag ay mabiyag kitam para tu Panginoon, sakay ni matay kitam, matay kitam para tu Panginoon. Kanya mabiyag kitam man oni matay ay he kitam tu Panginoon.

1 Corinto 15:18

Sakay bakán la ina, u gusto na a kagiyán atanan nu nágkatay dán hide a naniwala ni Cristo ay nepahamak.

1 Corinto 15:20

Pero u tatahoden ay nabiyag a huway ti Cristo bilang katunayan a biyagán na a huway u nágkatay dán hide.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

2 Corinto 5:8

Kaya awan kame panghinaan ti isip maski u gusto me ay iwahak dán i bággiyan iye tánni makaguman mi dán u Panginoon.

Filipos 2:17

U págserbi moy a bunga nu pánnampalataya moy ay kumán a alay moy tu Diyos. Ni kailangan a mebuhus u digi ko, masayaák pade; dipo tu kamatayan ko ay kumán a mebuhus u digi ko kaguman nu alay moy. Sakay dipo ti ina ay mákpagsayaák nikam.

1 Tesalonica 4:14

Maniwala kitam a natay ti Jesu-Cristo pero nabiyag siya a huway. Kaya maniwala kitam be a biyagan a huway nu Diyos u atanan a mánnampalataya a nágkatay dán, sakay ipisan na hide ni Jesu-Cristo kássole na.

1 Tesalonica 4:16

Ti aldiwan itod a kassidung nu Panginoon a gábwat ti langet, ay tehhod a masaneg u tolay hide a mabegsák a utus, a ipakhaw nu arkanghel, sakay u tánnog nu trumpeta nu Diyos. U nágkatay dán hide a mánnampalataya ni Cristo ay biyagán pa.

1 Tesalonica 5:10

Natay ti Jesu-Cristo para nikitam tánni maski natay kitamon oni biyag palla kássole na a huway ay mabiyag kitam a kaguman na.

1 Timoteo 5:24

Tehhod a tolay a u kasalanan de ay hayag dán bagu a mahatulan, pero u kasalanan nu agum ay tu dimodyan dán a mehayag.

1 Timoteo 5:25

Konna labe hod u agum a mágkaganda a gimet ay alisto a ketan; pero ni awan man mapansin a agad ay ketan labe iye dipo awan iye metagu ti atakdug a panahun.

Pahayag 1:11

Kinagi na a, “Isulat mo u atanan a ketan mo, sakay ipatawed mo tu pitto a grupo nu mánnampalataya hide: ti Efeso, Esmirna, Pergamo, Tiatira, Sardis, Filadelfia, sakay ti Laodicea.”

Pahayag 10:4

Isulat ku dán nakwa u nasaneg ko káttapos nu kádduh, pero te boses a gábwat ti langet a nagupos, “Ilihim mo u kinagi nu pitto a kádduh, dyan mo isulat!”

Pahayag 11:15

Nikuna patánnugán dán nu kapitto a anghel u trumpeta na ay tehhod a mágkabegsák a boses a gábwat ti langet a nagupos, “U pághare ti munduwáy ay neagton dán tu Panginoon tam sakay ni Cristo. Maghare siya hanggan-hanggan”

Pahayag 11:19

Nabukasan u templo nu Diyos ti langet kaya áelingán u Kaban nu Kasunduwan tu disalad nu templo. Sakay káttapos ay nagkilat sakay nagkádduh. Masaneg be u mágkabegsák a hehaw, sakay maglinog be, sakay maguden ti iyelo.

Pahayag 16:17

Imbulak nu kapitto a anghel u lasán nu malukung na tu pahás. Sakay tehhod a mabegsák a boses a gábwat tu trono tu templo, u nagupos a, “Natapos dán!”

Pahayag 19:9

Sakay kinagi nikán nu anghel, “Isulat mo iye: Pinagpala u naimbitaan tu kasal nu Tupa.” Sakay kinagi na pa, “Iye a kinagi ko ay tatahoden a upos nu Diyos.”

Pahayag 2:1

Nadid, isulat mo tu anghel nu mánnampalataya hide ti Efeso: Iye u pekagi nu te tatawed tu pitto a biton tu kawanan na a kamát a maglakad tu bállog nu pitto a págtupuwan ti simbuwan a ginto.

Pahayag 2:7

Ni makaintendi kam, ay pakasanigán moy u kákkagiyán nu Banal a Ispirito tu gurupo nu mánnampalataya hide. “U magtagumpay ay atádden ko ti karapatan a kuman tu bunga nu kayo a makapangatád ti biyag a katoy tu kahariyan nu Diyos.”

Pahayag 20:6

Pinagpala sakay Banal u makaguman hide tu purumero a págbiyag. Awan ti kapangyariyan nide u kaduwwa a kákkatay; magin saserdote hide nu Diyos sakay ni Cristo, sakay maghare hide a kaguman na tu alay nu sanglibu a taon.

Pahayag 21:5

Kinagi nu mággetnod tu trono, “Baguwán ko dán u atanan a bagay!” Sakay kinagi na nikán, “Isulat mo iye: Maasaan sakay tatahoden iye hide a upos.”

Pahayag 22:17

Kinagi nu Banal a Ispirito sakay u Bábbey a ikasal, “Karon he!” Sakay atanan a makasaneg ti iye ay magkagi be a, “Karon he!” Umadene u atanan a mauwaw; mangalap u masoh tu dinom a makapangatád ti biyag, awan iye ti bayad.

Pahayag 6:11

Kaya inatádden ti mágkapudew a badu u balang essa nide. Sakay kinagiyan hide a umimang pa ti sabadit a panahun, hanggan makompleto u bilang nu kákkapatkákka de hide sakay kakagumanan tu págserbi ni Cristo, a bunuwán be a konna nide.