Pahayag 14:1 - U Maganda A Baheta Ni Jesu-Cristo

¹ Nadid, káileng ko ay netan ko u Tupa a mágtaknág tu Buked nu Sion, kaguman na u 144,000 a tolay. Sakay sumássulat tu kidáp de u ngahan nu Tupa sakay u ngahan nu Ama na.

Pahayag 14:1 ပူးပေါင်းရင်းမြစ်များ

Lukas 12:8

“Sakay kagiyán ko be nikam, ni deya man u awan mángkasanike nikán tu atubang nu katolayan ay awan be siya ikasanike nu Anak nu Tolay tu atubang nu anghel hide.

Roma 9:33

Ayun tu nesulat, “Nángdáttonák ti Sion ti essa a bito a kákkesángdulan, essa a bito a kákkehakpaan de. Pero awan mabigu-bigu u manampalataya hide nikuna.”

Pahayag 14:14

Káileng ko ay naketaák ti mapudew a panganurin, sakay mággetnod hod u kumán a Anak nu Tolay. Tehhod siya a kurona a ginto sakay te tatawed a matadám a karit.

Pahayag 14:3

Mágkansiyon u 144,000 a tolay ti bigu a kansiyon tu atubang nu trono, sakay tu áppat a linalang a biyag, sakay tu duwapulo ay ti áppat a tagapangasiwa. Awan ti makaintendi ti kansiyonan itod maliban la tu 144,000 a naligtas tu tolay hide ti munduwáy.

Pahayag 15:5

Káttapos ni iye ay netan ko a bimmukas u templo ti langet, sakay netan ko hod u Lugar a Kabanalan.

Pahayag 22:4

Ketan de u hupa na, sakay mesulat tu kidáp de u ngahan na.

Pahayag 3:12

U magtagumpay ay ibilang ko a tolay ko magpakahanggan a konna tu adigi tu templo nu Diyos ko dipo mágyan dán siya hod hanggan-hanggan. Isulat ko nikuna u ngahan nu Diyos ko, sakay u ngahan nu banuwan nu Diyos ko. Iye ay u bigu a Jerusalem a sumidung a gábwat tu Diyos ko ti langet. Isulat ko be nikuna u bigu ko a ngahan.

Pahayag 4:1

Káttapos ni iye ay naketaák ti bumábbukas a pintuwan ti langet. Sakay nasaneg ko a huway u boses a kumán a trumpeta, kinagi na, “Sumangkay ka he ta ipeta ko niko u mangyare tu pademát a panahun.”

Pahayag 6:8

Sakay naketaák ti malabut a kabayo. U ngahan nu mágkabayo hod ay Kákkatay, a áunonudán nu Hades. Sakay naatádden hide ti kapangyariyan tu kaáppat a bahagi ti lutaáy a mamuno tu pamamag-itan nu ispada, alap, saket sakay mágkatapang a hayup.