Pahayag 13:17 - U Maganda A Baheta Ni Jesu-Cristo

¹⁷ Dipo ti iye, awan ti makabale oni makapaglako maliban la ni tehhod a tatak nu ngahan nu makaánteng a hayup, oni nomiro a katumbas nu ngahan na.

Pahayag 13:17 ပူးပေါင်းရင်းမြစ်များ

Galacia 6:17

Kanya sapul nadid ay diyan moy dán nakwa dagdagen i hirap kuwáy. Dipo u peklat hide tu bággi ko ay magpatunay a tagapagserbiyák ni Jesus.

Pahayag 13:16

Sapilitan a pinatatak nu kaduwwa a makaánteng a hayup u kawanan a kamát oni kidáp nu atanan a tolay. Mataas man oni mababa, mayaman man oni mahirap, alipin man oni malaya.

Pahayag 13:18

Kailangan he u karunungan. Matukuyan nu makaintendi u kahulugan nu nomiro a katumbas nu ngahan nu makaánteng a hayup, dipo ngahan iye nu essa a lállake. U nomiro ay 666.

Pahayag 14:11

U asok nu apoy a mangpáppahirap nide ay tulos-tulos a paontok hanggan-hanggan. Aldew ay ti gibi ay makánhirapán u simmamba hide tu makaánteng a hayup sakay tu rebulto na, sakay u natatakan hide tu ngahan na.”

Pahayag 14:9

Sakay simmunud u katállo a anghel, kinagi na ti mabegsák, “Ni deya man u sumamba tu makaánteng a hayup sakay tu rebulto na, sakay ni deya man u magpatatak tu kidáp na oni tu kamát na,

Pahayag 15:2

Naketaák ti kumán a diget a bubug a maggehab. Netan ko be u nangtalo hide tu makaánteng a hayup sakay tu awan hide simmamba tu rebulto na, sakay u awan hide natatakan tu ngahan na a katumbas nu nomiro a 666. Mágtaknág hide tu diget a kumán a bubug, táttawed de u alpa a inyatád nu Diyos.

Pahayag 17:5

Sakay nakasulat tu kidáp na u ngahan ni iye a te lihim a kahulugan, “U tanyag a Babilonia, u ina nu bábbey a bábbayaden sakay atanan nu tolay ti munduway ay maggimet ti mágkalaswa.”

Pahayag 20:4

Káttapos ay naketaák ti makpal a trono, sakay u mággetnod hide hod ay naatádden ti karapatan a maghatul. Sakay netan ko be u kaliduwwa nu pinutulan hide dipo tu págpatunay de tungkul ni Jesus sakay tu págpahayag de tu Upos nu Diyos. Awan hide simmamba tu makaánteng a hayup sakay tu rebulto na, sakay awan hide nagpatatak tu tatak nu makaánteng a hayup tu kidáp de oni tu kamát de. Biniyag hide tán mákapaghare hide a kaguman ni Cristo tu alay nu sanglibu a taon.

Pahayag 22:4

Ketan de u hupa na, sakay mesulat tu kidáp de u ngahan na.

Pahayag 3:12

U magtagumpay ay ibilang ko a tolay ko magpakahanggan a konna tu adigi tu templo nu Diyos ko dipo mágyan dán siya hod hanggan-hanggan. Isulat ko nikuna u ngahan nu Diyos ko, sakay u ngahan nu banuwan nu Diyos ko. Iye ay u bigu a Jerusalem a sumidung a gábwat tu Diyos ko ti langet. Isulat ko be nikuna u bigu ko a ngahan.

Pahayag 7:3

Kinagi na, “Dyan moy palla sidaán u luta, u diget, sakay u kakayowan. Mentaras awan tam palla namarkaan u kidáp nu tagapagserbi hide nu Diyos.”