Pahayag 13:13 - U Maganda A Baheta Ni Jesu-Cristo

¹³ Naggimet ti makataka-taka a bagay u kaduwwa a makaánteng a hayup, nagpasidung siya ti apoy a gábwat ti langet a áelingán nu katolayan.

Pahayag 13:13 ပူးပေါင်းရင်းမြစ်များ

Mateo 16:1

Essa aldew immadeni ni Jesus u sasangan a Pariseo sakay Saduseo hide. Gusto de a purbaan ti Jesus kanya kinagi de a mángpeta siya ti essa a tanda a gábwat ti langet.

Mateo 24:24

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

Markos 13:22

Dipo makpal a magwari-ware a hide u Cristo sakay te magwari-ware be a prupeta hide, sakay mángpeta bi hide ti tanda sakay makataka-taka hide a bagay tán itawtaw de ni maare pate u pinile hide nu Diyos.

2 Timoteo 3:8

Kumán hide adi Janes sakay ti Jambres a kimmontara ni Moises, dipo kimmontara be hide tu tatahoden. Awan dán hide ti maisip a maganda kaya u pánnampalataya de ay awan tunay.

Pahayag 11:5

Ni tehhod a mangpasaket nide ay te magluwas a apoy tu labi de a mangtutod tu kadima de hide. Konna hina u kákkatay nu deya man a mangpasaket nide.

Pahayag 16:14

Iye hide u dimonyo a mággimet ti makataka-taka a bagay. Maglebut hide ti munduwáy para ipunán u atanan nu hare para mákgera tu Diyos káddemát nu dakila a Aldew a intakda nu Diyos a Makapangyariyan tu atanan.

Pahayag 19:20

Namáglaban-laban hide sakay nadakáp u makaánteng a hayup sakay tu mabule a prupeta a naggimet ti himala tu ngahan nu makaánteng a hayup. Iye hide u ginamit na a pangdaya tu tolay hide a tehhod a tanda nu makaánteng a hayup sakay summamba tu rebulto na. I duwwaan iye ay imbut de a biyag tu magapoy-apoy a asupre.

Pahayag 20:9

Kumalat hide ti buuwáy a mundu sakay palebutan de u pinile hide nu Diyos sakay u banuwan a pinakamaha-mahal na. Pero paudinan hide nu Diyos ti apoy a gábwat ti langet kaya matay hide a atanan.