Pahayag 13:10 - U Maganda A Baheta Ni Jesu-Cristo

¹⁰ Ni deyaman u netakda a madakáp ay sadya a madakáp; sakay ni deyaman u netakda a matay ti áttak ay sadya a matay ti áttak. Kaya kailangan a magpakatatag sakay manalig u pinile hide nu Diyos.”

Pahayag 13:10 ပူးပေါင်းရင်းမြစ်များ

Mateo 26:52

Kinagi ni Jesus, “Isahungan mo i attak mowe! U mabiyag ti attak ay tu attak a matay.

Mateo 7:2

Dipo hatulan kam nu Diyos ayun tu hatul moy tu agum. U nangusosegan moy tu pághatul moy ay siya la be u ihatul nu Diyos nikam.

Lukas 21:19

Tu pagtiis moy ay magkahod kam ti biyag a awan ti kahád.

Colosas 1:11

Idáddasal me be a pabegsákkán nakam nakwa tu tulung nu dakila na a kapangyariyan tánni makatággád kam sakay makapagtiis tu atanan a bagay ate kasayaan.

Hebreo 6:12

Kanya diyan kam magin tamad, nan ahigán moy u tolay hide a dipo tu pánnampalataya de sakay págtiis ay natanggap didan u impananto nu Diyos.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 11:18

Maiyamut a tahod u tolay hide a awan tumenggi niko. Dipo dimmemát dán u odas para parusaan mo hide. Odas dán para hatulan mo u patay hide, sakay atádden ti piremyo u tagapagserbi mo hide, a prupeta, u mannampalataya hide, sakay tu atanan a te ánteng niko, mataas man ay ti mababa. Odas dán para puksaán mo u nagpahirap tu tolay hide ti munduway.”

Pahayag 14:12

Kaya dapat a magpakatatag sakay magin matáttiisán u pinile hide nu Diyos, u sumássunud hide tu utus nu Diyos, sakay dapat a manatile u pánnampalataya de ni Jesus.

Pahayag 16:6

U nangbuno tu pinile mo hide sakay tu propeta hide, ay inatádden mo ti dige tánni inumán de. Ina i dapatay nide!”

Pahayag 17:11

Pero u makaánteng a hayup a biyag tu itod pero nadid ay patay dán ay siya u kawalo a hare, kaguman be nu pitto. Sakay u keangayan na ay u kaparusaan.

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Pahayag 2:19

Tukoy ko u gimet moy, u págmahal, katapatan, págserbi sakay págtiyaga moy. Tukoy ko a lalo a maganda u gággimitán moy nadid nan tu itod.

Pahayag 2:2

Tukoy ko u gimet moy hide, u pagud sakay u tiyaga moy. Tukoy ko a awan moy kákkonsentiyán u mágkadukás a tolay. Pero pinurbaan moy u magware-ware hide a apostol, kaya napatunayan moy a mágkabule hide.

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.

Pahayag 3:3

Kanya ngani, isipán moy u toldu hide a tinanggap moy sakay nasaneg, sunudán moy ina hide sakay pagsisiyan moy u kasalanan moy hide. Ni awan kam lumukag ay angayák hina a konna tu káddemát nu mágtakaw, awan moy matukuyan u odas nu káddemát ko.