Pahayag 12:5 - U Maganda A Baheta Ni Jesu-Cristo

⁵ Nagenak u bábbey ti lállake a anak, pero tehhod a nangagew tu anak sakay inyangay na tu Diyos, tu trono na. Iye a anak u netakda a maghare tu atanan a bansa tu pamamag-itan nu sahukod a bakal.

Pahayag 12:5 ပူးပေါင်းရင်းမြစ်များ

Mateo 1:25

Pero awan dinuhog ni Jose ti Maria hanggan awan siya nagenak. Nagenak ti Maria ti lállake sakay nginahanan ni Jose u anak a Jesus.

Markos 16:19

Nadid káttapos ni Jesus a nagupos nide ay inyontok siya ti langet sakay nággetnod tu kawanan nu Diyos.

2 Corinto 12:2

Tehhodák a kilala a essa a Kristiyano a neangay tu katállo a langet, sapulo ay ti áppat dán a taon u nakalipas. Awan ko la tukoy ni pangitain itod oni tunay a nangyare, u Diyos la u makatukoy.

2 Corinto 12:4

Sakay nakasanigák hod ti bagay hide a awan kaya a mepaliwanag sakay awan maare a kagiyán tu maskin deya.

Pahayag 11:12

Káttapos ay nasaneg de a nagupos u tunay a begsák a boses a gábwat ti langet, “Sumangkay kam he!” Summangkay ngane hide ti langet a nakasakay tu panganurin mentaras a umáeleng nide u kadima de hide.

Pahayag 12:13

Nikuna ketan nu dragon a nebut dán siya ti lutaáy ay hinagad na u bábbey a náng-enak tu lállake a anak.

Pahayag 12:2

Paghilaban dán siya kaya mamákhaw tu saket a bábbatiyán na.

Pahayag 19:15

Tehhod a magluwas tu labi na a matalas a áttak; gamitán na iye para pangdaig tu bansa hide. Paghariyan na hide ti sampilitan sakay awan ti sumuway nikuna. U tolay hide ti munduway a komontara tu Diyos ay iparanas na nide u págparusa nu Diyos a makapangyariyan tu atanan. Iye u gusto a kagiyan nu pagbulusán na tu págpáspássán ti ubas u alak nu iyamut nu Diyos.