Pahayag 12:12 - U Maganda A Baheta Ni Jesu-Cristo

¹² Kaya magsaya kam, hikam a mágyan ti langet! Pero makaánteng i danasán moyay, hikam a mágyan tu luta sakay tu diget! Dipo u matindi a iyamut nu Diyablo ay meangay nikam. Dipo tukoy na a awan dán siya magmalay.”

Pahayag 12:12 ပူးပေါင်းရင်းမြစ်များ

Lukas 15:10

Kagiyán ko nikam, konna bi hod u kasayaan nu anghel hide nu Diyos dipo tu essa a makasalanan a immadág tu kasalanan na.”

Lukas 2:14

“Puriyán u Diyos a katoy ti langet, Sakay tehhod dán a kapayapaan tu tolay hide a kinasayaan na a katoy ti lutaáy!”

Hebreo 10:37

Dipo kinagi tu Kasulatan a, “sabadit dálla a panahun ay dumemát dán siya. Awan dán siya magmamalay.

2 Pedro 3:8

Pero dyan moy nakwa kali-kalimunan, mahal ko hide a kákkapatkákka: a tu Panginoon, u essa a aldew ay kumán a sanglibu a taon, sakay u sanglibu a taon ay kumán la a saldew.

Pahayag 10:6

Sakay nanumpa tu ngahan nu Diyos a te biyag a awan ti kahád, a nanglalang tu langet, tu luta, tu diget, sakay tu atanan a katoy hod. Kinagi nu anghel, “Awan dán magmalay!

Pahayag 11:10

Magsaya a tahod u atanan a tolay ti munduwáy dipo tu kákkatay ni duwwaan iye. Mamággatádden hide ti rigalo dipo tu kasayaan de, dipo i duwwaan iye a prupeta u nangatád nide ti dakál a kahirapan.

Pahayag 11:14

Limmipas dán u kaduwwa a makaánteng a pangyayare, pero dumáddadedemát dán u katállo.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 13:6

Ininsulto na ngane u Diyos, u ngahan nu Diyos, u páppágyanan nu Diyos, sakay u atanan a katoy ti langet.

Pahayag 18:20

Magsaya ka langet, tu nangyare nikuna! Magsaya kam, atanan a pinile, apostol hide, sakay prupeta hide! Dipo hinatulan dán siya nu Diyos tu ginimet na nikam!

Pahayag 8:13

Káttapos ni itod ay naketaák ti agila a magegbáh tu kalawakan sakay nasaneg ko a makán pákhawán, “Makaánteng i mangyariyay tu katoy hide ti munduway, ni patánnugán dán nu tállo pa a anghel u trumpeta de hide!”

Pahayag 9:12

Limmipas dán u purumero a makaánteng a hirap; pero tehhod pa a pademát a duwwa!