Pahayag 12:11 - U Maganda A Baheta Ni Jesu-Cristo

¹¹ Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.

Pahayag 12:11 ပူးပေါင်းရင်းမြစ်များ

Lukas 14:26

“Ni deya man u masoh a sumunud nikán. Pero mas mahal na tama na sakay tena na, kabanga, anak, wáwwadi sakay u sadile na a biyag ti mas higit nikán ay awan maare a magin disepulus ko.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

Gimet 21:13

Pero timmábbeg siya, “Bakin magsanget kam? Diyan moy panghinaán isip kuwáy! Dipo nakahandaák a papungo maski matayák pa ti Jerusalem ni kailangan, alang-alang tu ngahan nu Panginoon Jesus.”

Roma 16:20

U Diyos a pinaggábwatan ni kapayapaan ay adene nadán a puksaán u kapangyariyan ni Satanas tu pamamag-itan moy. Pagpalaán kam nu Panginoon Jesus.

1 Corinto 15:57

Pero magpasalamat kitam tu Diyos ta inatádden na kitam ti tagumpay tu pamamag-itan nu Panginoon tam a ti Jesu-Cristo!

1 Juan 4:4

Anak ko hide, kao kamon nu Diyos sakay napagtagumpayan moy dán u liwat hide a prupeta. Dipo u Ispirito a katoy nikam ay mas makapangyariyan nan u ispirito a katoy ti munduway.

1 Juan 5:5

Awan ti iba a magtagumpay tu mágkadukás a gimet ti munduway nan u maniwala la a ti Jesus ay Anak nu Diyos.

Pahayag 1:2

Kinagi ni Juan u atanan a netan na tungkul tu impahayag nu Diyos sakay pinatunayan ni Jesu-Cristo.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 11:7

Sakay káttapos de a magbaheta tu upos nu Diyos ay umawas tu ábbut a tunay ti kadsalad u essa a makaánteng a hayup sakay mákpaglaban nide. Matalo hide sakay mabuno nu hayup.

Pahayag 12:17

Dipo tu iyamut nu dragon ay binalingan na a geraán u nabuhay a lahe nu bábbey. Iye u tolay hide a sumássunud tu utus nu Diyos sakay nagtulos-tulos a nagin tapat tu tatahoden a inhayag ni Jesus.

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.

Pahayag 2:17

“Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay atádden ko tu netagu a manna. Sakay atádden ko siya ti mapudew a bito a sássulatan nu essa a bigu a ngahan a awan ti makatuko-tukoy maliban nikuna.”

Pahayag 2:26

U magtagumpay sakay sumunud tu kagustuwan ko hanggan ti katapusan ay atádden ko siya ti kapangyariyan a mamahala tu bansa hide,

Pahayag 2:7

Ni makaintendi kam, ay pakasanigán moy u kákkagiyán nu Banal a Ispirito tu gurupo nu mánnampalataya hide. “U magtagumpay ay atádden ko ti karapatan a kuman tu bunga nu kayo a makapangatád ti biyag a katoy tu kahariyan nu Diyos.”

Pahayag 20:4

Káttapos ay naketaák ti makpal a trono, sakay u mággetnod hide hod ay naatádden ti karapatan a maghatul. Sakay netan ko be u kaliduwwa nu pinutulan hide dipo tu págpatunay de tungkul ni Jesus sakay tu págpahayag de tu Upos nu Diyos. Awan hide simmamba tu makaánteng a hayup sakay tu rebulto na, sakay awan hide nagpatatak tu tatak nu makaánteng a hayup tu kidáp de oni tu kamát de. Biniyag hide tán mákapaghare hide a kaguman ni Cristo tu alay nu sanglibu a taon.

Pahayag 3:12

U magtagumpay ay ibilang ko a tolay ko magpakahanggan a konna tu adigi tu templo nu Diyos ko dipo mágyan dán siya hod hanggan-hanggan. Isulat ko nikuna u ngahan nu Diyos ko, sakay u ngahan nu banuwan nu Diyos ko. Iye ay u bigu a Jerusalem a sumidung a gábwat tu Diyos ko ti langet. Isulat ko be nikuna u bigu ko a ngahan.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.

Pahayag 3:5

U magtagumpay ay pabaduwan be ti mapudew, sakay awan ko ibu-ibutan u ngahan na tu libro nu biyag. Tenggiyán ko siya tu atubang nu Ama ko sakay tu anghel ko hide.

Pahayag 6:9

Nikuna a ibutan nu Tupa u kalimma a selyo ay netan ko tu sahok nu altar u kaliduwa nu binábbuno hide dipo tu kássunud de tu upos nu Diyos sakay tu matapat de a págpatunay he.