Pahayag 12:1 - U Maganda A Baheta Ni Jesu-Cristo

¹ Nadid, káttapos ni iye ay tehhod a limmitaw ti langet a makataka-taka a senyal: essa a bábbey a nabaduwan ti aldew sakay gumággemmak tu bulan; sakay tehhod a kurona a sapulo ay ti duwwa a biton.

Pahayag 12:1 ပူးပေါင်းရင်းမြစ်များ

Mateo 12:38

Tapos ay kinagi nu sasangan a Pariseo sakay Maisto nu Kautusan ni Jesus “Maistu, maari mo kami beman a petaan ti himala bilang purweba?”

Mateo 24:30

Káttapos ay pumeta ti langit u tanda nu Anak nu Tolay sakay magdalamhati ti grabe u atanan a bansa. Metan de u Anak nu Tolay a hod tu diklam, dumemát a makapangyariyan sakay grabe a demlag.

Markos 13:25

sakay matákneg u biton hide a gábwat ti langet. Sakay mayanág u atanan a kapangyariyan nu kalawakan.

Lukas 21:11

Magkahod ti tunay a begsák a linog, sák-aláp, sakay magkahod be tu iba-iba a lugar ti iba-iba a saket. Tehhod be a lumitaw a makaánteng a bagay, sakay makataka hide a senyal a gábwat ti langet.

Lukas 21:25

Kinagi ni Jesus, “Magkahod ti senyal tu aldew, tu bulan, sakay tu biton hide. Ti lutaáy ay maligalig u atanan a tolay sakay awan de tukoy ni ánya u gággagamitán de dipo tu mabegsak a tánnog nu diget sakay daddakkal a dalondun.

Juan 3:29

Konna tu essa a bábbey a ikasal, u bábbey a ikasal ay para tu lállake a ikasal, u kaibigan nu ikasal ay masaya a maguhay tu káddemát nu lállake a ikasal. Konnaák bi hod, tunay i kasayaan kuwáy nadid ta angay dán u tolay hide tu kán Jesus.

Gimet 2:19

Mángpetaák ti himala ti langet sakay ti lutaáy; mangpetaák ti dige, apoy sakay ti mabagál a asok.

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

2 Corinto 11:2

Dakál u págmalasakit ko nikam konna tu págmalasakit nu Diyos. Konna kam tu essa a malinis a madiket a ingkasundu ko tu essa a lállake, ni Cristo.

Galacia 3:27

U ugale ni Cristo u nesulot nikam a kumán a damit nikuna a mabawtismuwan kam nikuna.

Galacia 4:26

Pero u kabanga na a ti Sara ay bakán a alipin sakay siya u pángparehuwan tu Jerusalem a katoy ti langet, sakay siya u ina tam dipo awan kitam alipin nu Kautusan.

Galacia 6:14

Nakwa awan iye mangyare nikán. U ipagmadakál kula ay u kákkatay nu Panginoon tam a ti Jesu-Cristo. Dipo tu kamatayan ni Cristo tu kudus ay awan dán ti halaga para nikán u bagay hide ti munduwáy, sakay hikán ay awan dámbe ti halaga para ti munduwáy.

Efeso 5:32

Iye u dakila a Tatahoden a impahayag nu Diyos: impeta ni iye u kaugnayan ni Cristo sakay tu mánnampalataya hide nikuna.

Pahayag 1:20

Iye u gusto a kagiyán nu pitto a biton a netan mo a táttawed ko tu kawanan ko a kamát sakay u pitto a págtupuwan ti simbuwan a ginto: u pitto a biton ay u anghel hide nu pitto a gurupo nu mánnampalataya. Sakay u pitto be a págtupuwan ti simbuwan a ginto ay u pitto a gurupo nu mánnampalataya hide.”

Pahayag 11:19

Nabukasan u templo nu Diyos ti langet kaya áelingán u Kaban nu Kasunduwan tu disalad nu templo. Sakay káttapos ay nagkilat sakay nagkádduh. Masaneg be u mágkabegsák a hehaw, sakay maglinog be, sakay maguden ti iyelo.

Pahayag 12:3

Sakay tehhod pa a essa a senyal a limmitaw ti langet: essa a dragon a madideg. Tehhod siya a pitto a ulo sakay sapulo a saduk sakay tehhod a kurona u bawat ulo na.

Pahayag 15:1

Nadid, naketaák ti essa pa a makataka-taka a pangitain ti langet: te pitto a anghel a te manga táttawed a salut. Iye hide u dimodyan a salut, dipo he a matapos u matindi a iyamut nu Diyos.

Pahayag 21:14

Sakay tehhod pa a sapulo ay ti duwwa a pundasyon u kudal nu pader sakay nakasulat hod u ngahan nu sapulo ay ti duwwa a apostol nu Tupa.

Pahayag 21:23

Awan dán kailangan u aldew oni u bulan para mangdemlag tu banuwan, dipo u kaluwalhatiyan nu Diyos u mangdemlag hod, sakay u Tupa u simbuwan.