Pahayag 11:8 - U Maganda A Baheta Ni Jesu-Cristo

⁸ U bangkay de hide ay kapayad-payad tu karsada nu tanyag a banuwan a nepakuwan nu Panginoon de tu itod. Ngángngahanan de iye a Sodoma sakay Egipto pero bakan iye u tatahoden a ngahan na.

Pahayag 11:8 ပူးပေါင်းရင်းမြစ်များ

Mateo 10:15

Pakatandaan moy iye: Tu Aldew nu Pághukom ay mas maparusaan nu Diyos u tolay hide a napagpagan moy ti alikabuk nan tu mágkadukás hide a tolay a mágyan tu itod a panahun tu banuwan a Sodoma sakay Gomorra.”

Gimet 9:4

kanya nalugmuk siya. Sakay nasaneg na u boses a nagdulaw nikuna, “Saulo, Saulo! Bakin páppahirapanák mo?”

Hebreo 13:12

Kaya konna labi hod, natay ti Cristo tu luwas nu banuwan tán malinis na u tolay tu kasalanan de hide tu pamamag-itan nu dige na.

Hebreo 6:6

Ni umadág pa hide, káttapos de a maranasan iye a atanan ay awan dán hide mapasole a huway. Dipo u gusto ni iye a kagiyán ay ipako de a huway tu kudus u Anak nu Diyos sakay pasanikiyán tu atubang nu makpal a tolay.

2 Pedro 2:6

Pinarusaan be nu Diyos u banuwan a Sodoma sakay Gomora dipo tu kasalanan de, para ipeta tu mággagimitán ti mágkadukás u sangpáttán de.

Judas 1:7

Isipán moy be u banuwan a Sodoma sakay Gomora sakay tu kadatig de hide a banuwan. Nagkasala hide tu mágkadukás de a gimet a pángibábbey sakay pángngilállake pate dámbe u kahalayan tu awan de kapareho. Kaya pinarusaan hide tu apoy a awan mata-matay para babala tu atanan.

Pahayag 11:13

Naglinog ti tunay a begsák ti itod be a odas. Nasida u kasapulo a parte nu banuwan, sakay pitto a libu a tolay u natay. Mineántingan u nabuhay hide a tolay, kaya tinengge de u kadakilaan sakay kapangyariyan nu Diyos ti langet.

Pahayag 11:9

Tu alay nu tállo a aldew ay ti kalahate, u bangkay di hide ay áelingán nu katolayan a gábwat tu iba-iba a lahe, tribu, upos, sakay awan ti maski deyaman a payagen a mánglábbáng ti bangkayan itod hide.

Pahayag 14:20

Pináspás u ubas hide tu luwas nu banuwan. Binumulos u dige a gábwat tu págpáspássan a linumangáp hanggan ti tállo a datos a kilometro sakay inumabut ti limma a talampakan u kabáttong na.

Pahayag 14:8

Kinagi be nu kaduwwa a simmunud a anghel, “Nasida dán! Nasida dán u tanyag a Babilonia! U banuwan a iye ay garabi ti kasalanan dipo inakit na u atanan a tolay a sumunod tu mágkadangát de a gimet.”

Pahayag 16:19

Minahate ti tállo a parte u Babilonia a tunay ti kadakál a banuwan. Sakay u atanan a banuwan ti munduway ay nágkasida. Tinupad nu Diyos u kinagi na tungkul tu tanyag a Babilonia, kanya imbuhus na hod u matindi na parusa a paketaan tu iyamut na.

Pahayag 17:1

Nadid ay immadene nikán u essa tu pitto a anghel a te tatawed a pitto a malukung, kinagi na, “Karon he, ta ipeta ko niko ni kodya a parusaan u raina nu kahalayan. I bábbiyan iye ay u dakál a banuwan a netaknág tu adene nu pamágtagbuwan nu makpal a konayan.

Pahayag 17:18

U bábbey a netan mo ay u tanyag a banuwan a sássunudán nu hare hide ti munduway.”

Pahayag 17:5

Sakay nakasulat tu kidáp na u ngahan ni iye a te lihim a kahulugan, “U tanyag a Babilonia, u ina nu bábbey a bábbayaden sakay atanan nu tolay ti munduway ay maggimet ti mágkalaswa.”

Pahayag 18:10

Mágtaknág la hide tu adeyo dipo tu ánteng de a medamay tu parusa na. Kagiyán de, “Kakagbi u Babilonia mabegsák sakay tanyag a bansa! Tu essa la a odas ay dumemát u parusa nikuna!”

Pahayag 18:18

Sakay mentaras a áelingán de u asok nu natutod a banuwan ay kagiyán de, “Awan ti kapareho u katanyagan ni ina a banuwan!”

Pahayag 18:2

Sakay pimmákhaw siya ti tunay a begsák, kinagi na, Nasida dán! Nasida dán u tanyag a Babilonia! Bilay dálla siya nadid nu dimonyo hide, piresuwan nu mágkadukás a ispirito, sakay páppágyanan dálla nu mágkadangát a manok.

Pahayag 18:21

Káttapos ay tehhod a essa a makapangyariyan a anghel a nangágkat ti bito a konna tu dakál a gilingan. Imbatikal na itod tu diget sakay kinagi na, “Konna he u pángsida tu tanyag a banuwan nu Babilonia, sakay awan dán keketan a huway!

Pahayag 18:24

Pinarusaan nu Diyos u Babilonia dipo hod di hod a binuno u propeta hide a nángpahayag tu upos nu Diyos, sakay u atanan a tolay nu Diyos, sakay u agum pa a tolay ti lutaáy a binuno hod.