Pahayag 11:7 - U Maganda A Baheta Ni Jesu-Cristo

⁷ Sakay káttapos de a magbaheta tu upos nu Diyos ay umawas tu ábbut a tunay ti kadsalad u essa a makaánteng a hayup sakay mákpaglaban nide. Matalo hide sakay mabuno nu hayup.

Pahayag 11:7 ပူးပေါင်းရင်းမြစ်များ

Lukas 13:32

Pero timmábbeg siya nide, “Kagiyán moy ti mauták kan ina a magpalayasák nadid tu demonyo hide sakay magpapiyyaák palla tu tehhod hide a saket. Sakay konna la bi he u gimitán ko ni ilaw sakay tu katállo a aldew ay tapusán ko u tarabaho ko.

Lukas 8:31

Sakay nákkekagbi u mágkadukás hide a ispirito a dyan hide pasegbuwán ni Jesus tu abbut a awan ti kahad.

Juan 17:4

Impakapospos ku dán u karangalan mo he ti munduwáy, dipo natupad ku dán u impatarabaho mo nikán.

Juan 19:30

Nikuna a masápsáp dán ni Jesus u alak ay kinagi na, “Natapos dán.” Indukog na u ulo na sakay nabágsutan siya ti angás.

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

2 Timoteo 4:7

Ginimet ko u atanan a makaya ko para tupadán u tungkulin a intiwala nikán nu Diyos konna tu essa a mággayam a nagginan ti mahusay hanggan a natapos u karera. Nadid nagimet ku dán u tarabaho a inyatád nikán nu Diyos. Sakay nanatiliyák a tapat tu pánnampalataya ni Cristo.

Pahayag 11:3

Paangayán ko hod u duwwa ko a tistigu a nakabadu ti pangluksa sakay ipahayag de u upos nu Diyos tu alay nu 1,260 a aldew.”

Pahayag 12:17

Dipo tu iyamut nu dragon ay binalingan na a geraán u nabuhay a lahe nu bábbey. Iye u tolay hide a sumássunud tu utus nu Diyos sakay nagtulos-tulos a nagin tapat tu tatahoden a inhayag ni Jesus.

Pahayag 13:11

Sakay naketaák dámman ti essa pa a makaánteng a hayup a limmitaw tu luta. Tehhod iye a duwwa a saduk a konna tu saduk nu tupa, pero u boses na ay kumán a boses nu dragon.

Pahayag 13:7

Pinayagan be siya a geraán sakay taluwán u pinile hide nu Diyos. Sakay inatádden siya ti kapangyariyan a mamuno tu atanan a tolay ti munduwáy, tu bawat lahe, banuwan, upos sakay bansa.