Pahayag 11:3 - U Maganda A Baheta Ni Jesu-Cristo

³ Paangayán ko hod u duwwa ko a tistigu a nakabadu ti pangluksa sakay ipahayag de u upos nu Diyos tu alay nu 1,260 a aldew.”

Pahayag 11:3 ပူးပေါင်းရင်းမြစ်များ

Mateo 11:21

“Kakagbi kam a taga Corazin sakay Betsaida. Dipo ni u ginimet ko a himala hide nikam ay nangyare ti Tiro sakay ti Sidon tu itod ay nagsisi nakwa hide. Nagbadu nakwa hide ti kostal sakay sássapwagan de u ulo de ti abu bilang pángpeta a nagsisi hide.

Mateo 18:16

Pero ni umád siya sumanig, mángkuyog ka pa ti essa o duwwa a kapatkakka para u atanan nu pinaguhonan moy ay mapatunayan nu duwwa o tállo a sestigo.

Lukas 10:13

Kakagbi kam a taga-Corazin hide! Kakagbi kam a taga-Betsaida hide! Dipo ni ti Tiro sakay ti Sidon nangyare u himala hide a inpeta ko nikam ay nalay dán nakwa hide a nagsulot ti kostal sakay nággetnod tu abu, para ipeta a nagsise hide.

Lukas 24:48

Hikam u mangpatunay ti iye hide a bagay.

Juan 15:27

Hikam be ay dapat magpatunay tungkul nikán, dipo kaguman takamon sapul pa ti sapul.”

Juan 3:27

Timmábbeg ti Juan, “Awan ti magimet u tolay ni awan ipakultad nu Diyos.

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 13:31

Makpal a aldew a pimmeta siya tu nákkuyoyog hide nikuna ti Jerusalem a gábwat ti Galilea. Nadid, hide dán u mangpatunay tungkul nikuna.

Gimet 2:32

Iye ay ti Jesus a biniyag nu Diyos a huway, napatunayan me a nabiyag siya a huway dipo netan me.

Gimet 3:15

Binuno moy u naggábwatan nu biyag, pero biniyag siya a huway nu Diyos. Hikame u makapagpatunay a nabiyag siya a huway.

1 Corinto 12:28

Sakay nángdatton u Diyos tu mánnampalataya hide ti kaluub. U dipalongo ay u apostol hide; u kaduwwa ay u propeta hide, sakay u katallo ay u tagapagtoldu hide tu upos nu Diyos. Nángdátton be siya ti tolay a makagimet ti makataka-taka, makapagpapiyya tu te saket, te tagatulong, te taga pangasiwa, sakay tehhod be a makapagupos ti iba-iba a upos.

2 Corinto 13:1

Nadid, iye u katállo ko a káangay hina nikam. Kinagi tu Kasulatan. “U ánya man a kaso ay kailangan a tehhod a duwwa oni tállo a magtistigu.”

Efeso 4:11

Sakay te iba-iba a kaluub a inyatád siya nikitam: u agum ay pinagkaluuban na a magin apostol, u agum ay magin prupeta, u agum ay mángngaral tu Maganda a Baheta, u agum ay magin pastor sakay u agum ay tagapagtoldu.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 11:2

Pero dyan mu dán sukatán u laguwerta nu templo, dipo neatád dán itod tu tolay hide a awan tumenggi tu Diyos. Awan de igalang u Banal a Banuwan tu alay nu áppat a pulo ay ti duwwa a bulan.

Pahayag 11:6

Te kapangyariyan hide a mangpugád tu uden mentaras a magpahayag hide tu upos nu Diyos. Te kapangyariyan be hide a pagin digiyán u dinom, sakay mangpademát ti salut tu tolay hide maski ánya man a odas a gustuwán de.

Pahayag 12:6

Sakay u bábbey ay gimminan tu parang, tu lugar a inhanda nu Diyos para nikuna. Para maalagaan siya hod tu alay nu essa a libu sakay duwwadatos ay ti ánnam a pulo a aldew.

Pahayag 13:5

Pinayagan a maghambug u makaánteng a hayup sakay makapag-insulto tu Diyos, sakay maghare tu alay nu áppat a pulo ay ti duwwa a bulan.

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”

Pahayag 20:4

Káttapos ay naketaák ti makpal a trono, sakay u mággetnod hide hod ay naatádden ti karapatan a maghatul. Sakay netan ko be u kaliduwwa nu pinutulan hide dipo tu págpatunay de tungkul ni Jesus sakay tu págpahayag de tu Upos nu Diyos. Awan hide simmamba tu makaánteng a hayup sakay tu rebulto na, sakay awan hide nagpatatak tu tatak nu makaánteng a hayup tu kidáp de oni tu kamát de. Biniyag hide tán mákapaghare hide a kaguman ni Cristo tu alay nu sanglibu a taon.