Pahayag 11:19 - U Maganda A Baheta Ni Jesu-Cristo

¹⁹ Nabukasan u templo nu Diyos ti langet kaya áelingán u Kaban nu Kasunduwan tu disalad nu templo. Sakay káttapos ay nagkilat sakay nagkádduh. Masaneg be u mágkabegsák a hehaw, sakay maglinog be, sakay maguden ti iyelo.

Pahayag 11:19 ပူးပေါင်းရင်းမြစ်များ

Pahayag 11:13

Naglinog ti tunay a begsák ti itod be a odas. Nasida u kasapulo a parte nu banuwan, sakay pitto a libu a tolay u natay. Mineántingan u nabuhay hide a tolay, kaya tinengge de u kadakilaan sakay kapangyariyan nu Diyos ti langet.

Pahayag 11:15

Nikuna patánnugán dán nu kapitto a anghel u trumpeta na ay tehhod a mágkabegsák a boses a gábwat ti langet a nagupos, “U pághare ti munduwáy ay neagton dán tu Panginoon tam sakay ni Cristo. Maghare siya hanggan-hanggan”

Pahayag 12:1

Nadid, káttapos ni iye ay tehhod a limmitaw ti langet a makataka-taka a senyal: essa a bábbey a nabaduwan ti aldew sakay gumággemmak tu bulan; sakay tehhod a kurona a sapulo ay ti duwwa a biton.

Pahayag 16:1

Nadid, nakasanigák ti mabegsák a boses a gábwat tu templo a magutus tu pitto a anghel, “Kad moy dán, ibulak moy dán u parusa nu Diyos tu tolay hide ti munduway, a gabwat ti pittuwan ina a malukung!”

Pahayag 16:18

Káttapos ay nagkilat, nagkádduh, sakay naglinog ti tunay a begsák. Sa iye u kabegsákkan a linog sapul a lalangán u tolay ti munduway. Talaga a tunay iye a begsak!

Pahayag 16:21

Sakay naguden ti dáddakkál a iyelo a kumilo ti manga limmapulo u balang essa, sakay nágkatáppelan u katolayan. Dipo ti iye ay sinumpa nu katolayan u Diyos dipo ti iye a makaánteng a salut a dinanas de.

Pahayag 19:11

Káttapos ni iye ay nabukasan u langet, sakay naketaák ti kabayo a mapudew. U mágkabayo ay dáddulawán de a Matapat sakay Tatahoden dipo matuwid siya a maghatul sakay mákgera.

Pahayag 4:1

Káttapos ni iye ay naketaák ti bumábbukas a pintuwan ti langet. Sakay nasaneg ko a huway u boses a kumán a trumpeta, kinagi na, “Sumangkay ka he ta ipeta ko niko u mangyare tu pademát a panahun.”

Pahayag 4:5

Te maggábwat a kilat tu trono, kasabay nu galungogung nu kádduh. Sakay tehhod be a pitto a maggehab a simbuwan tu atubang nu trono, iye u Ispirito nu Diyos ate pitto a gawain.

Pahayag 7:15

Kaya ina i dahilanay ni bakin katoy hide tu atubang nu trono nu Diyos, para magserbi nikuna aldew ay ti gibi tu templo. Sakay u mággetnod tu trono u magalaga nide.

Pahayag 8:5

Káttapos ay nangalap u anghel ti genggeng tu altar sakay indátton na tu págtutudan ti insenso, tulos na a imbudas tu luta. Pagdaka a nagkádduh, te galungogung, nagkilat, sakay naglinog.

Pahayag 8:7

Nikuna patánnugán nu purumero a anghel u trumpeta na ay naguden tu luta ti iyelo sakay apoy a te kahalo a dige. Kaya natutod u katállo a parte ni lutaáy, u katállo a parte nu kakayowan, sakay u atanan a lamon.