Pahayag 10:7 - U Maganda A Baheta Ni Jesu-Cristo

⁷ Ni patánnugán dán nu kapitto a anghel u trumpeta na ay igimet dán nu Diyos u lihim na a plano, konna tu impahayag na tu tagapagserbi na hide a prupeta.”

Pahayag 10:7 ပူးပေါင်းရင်းမြစ်များ

Gimet 3:21

Pero kailangan a mágyan pa ti Jesus ti langet hanggan dumemát u panahun a baguwán nu Diyos u atanan a bagay. Itona be u kinagi nu Diyos tu itod tu pamamag-itan nu banal na hide a prupeta.

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

Pahayag 14:6

Nadid, naketaák damman ti essa a anghel a magegbáh tu panganurin. Tatawed na u awan ti katapusan a Maganda a Baheta tánni ibaheta tu tolay hide ti munduway: tu bawat bansa, tu bawat lahe, tu bawat upos, sakay tu bawat banuwan.

Pahayag 17:17

Ginusto nu Diyos a gimitan nu sapulo a hare u planu na. Kanya namagkasundu u sapulo a hare a ipasakup tu makaánteng a hayup u kapangyariyan de sakay u karapatan de a mamuno, hanggan a matupad u upos nu Diyos.