Pahayag 10:6 - U Maganda A Baheta Ni Jesu-Cristo

⁶ Sakay nanumpa tu ngahan nu Diyos a te biyag a awan ti kahád, a nanglalang tu langet, tu luta, tu diget, sakay tu atanan a katoy hod. Kinagi nu anghel, “Awan dán magmalay!

Pahayag 10:6 ပူးပေါင်းရင်းမြစ်များ

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.

Pahayag 12:12

Kaya magsaya kam, hikam a mágyan ti langet! Pero makaánteng i danasán moyay, hikam a mágyan tu luta sakay tu diget! Dipo u matindi a iyamut nu Diyablo ay meangay nikam. Dipo tukoy na a awan dán siya magmalay.”

Pahayag 16:17

Imbulak nu kapitto a anghel u lasán nu malukung na tu pahás. Sakay tehhod a mabegsák a boses a gábwat tu trono tu templo, u nagupos a, “Natapos dán!”

Pahayag 21:6

Sakay kinagi na pa, “Natupad dán! Hikán u Alpa sakay u Omega, u sapul ay tu katapusan nu atanan. Ni deya man u mauwaw ay atádden ko ti dinom a awan ti bayad a gábwat tu bukal a makapangatád ti biyag a awan ti kahád.

Pahayag 4:10

ay limmuhud u duwwa a pulo ay ti áppat a tagapangasiwa tu atubang nu trono. Sakay sinamba de u mággetnod hod, u mabiyag a hanggan-hanggan. Inyalay de u kurona de tu atubang nu trono sakay kinagi de,

Pahayag 4:11

“Karapat-dapat ka a tumanggap ti papure, pággalang, sakay kapangyariyan, Panginoon me a Diyos; Dipo hiko u nanglalang tu atanan a bagay. Sakay ayun tu kagustuwan mo ay nilalang mo hide sakay pinanatile ti iye.”

Pahayag 4:9

Sakay mentras a mágkansiyon hide ti papure, parangal, sakay pasasalamat tu mággetnod tu trono, a te biyag hanggan-hanggan,

Pahayag 6:11

Kaya inatádden ti mágkapudew a badu u balang essa nide. Sakay kinagiyan hide a umimang pa ti sabadit a panahun, hanggan makompleto u bilang nu kákkapatkákka de hide sakay kakagumanan tu págserbi ni Cristo, a bunuwán be a konna nide.