Pahayag 1:7 - U Maganda A Baheta Ni Jesu-Cristo

⁷ Tandaan moy! Dumemát siya a huway a napalebutan nu diklam, sakay ketan nu atanan a tolay maski u nangpika hide ni kuna tu wahes na tu itod. Sakay u atanan a tolay ti munduway a awan sumampalataya nikuna ay magsanget dipu tu ánteng de tu págparusa na nide. Talaga a konna he u mangyare! Amen.

Pahayag 1:7 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 16:28

Kagiyán ku nikam: te sangan he nikam a awan matay hanggan a awan de ketan u Anak nu Tolay a dumemát bilang Hari.”

Mateo 24:30

Káttapos ay pumeta ti langit u tanda nu Anak nu Tolay sakay magdalamhati ti grabe u atanan a bansa. Metan de u Anak nu Tolay a hod tu diklam, dumemát a makapangyariyan sakay grabe a demlag.

Mateo 25:31

Sakay kinagi pa ni Jesus “Dumemát u Anak nu Tolay bilang Hari, kaguman na u atanan a anghel. Sakay maghare siya tu atanan.

Mateo 26:64

Timmábbeg ti Jesus, “Hiko dán u nagkagi. Pero kagiyan ko niko: Sapul nadid ay ketan mo u Anak nu Tolay a nakaetnud tu kawanan nu Makapangyariyan a Diyos sakay dumemát siya a gábwat ti langit!”

Markos 13:26

Káttapos ay ketanák de a Anak nu tolay a dumemát a hod tu panganurin, a tehhod a dakila a kapangyariyan sakay karangalan.

Markos 14:62

Nadid ay nagupos dán ti Jesus, kinagi na, “Hikán ngane, sakay hikán a Anak nu Tolay ay ketan moy, a mággetnod tu kawanan nu makapangyariyan a Diyos. Sakay ketan moy u káddemát kuhe ti munduwáy a kaguman nu diklám ti langet.”

Lukas 21:27

Ti Panahunan itod ay ketan de u Anak nu Tolay a pasidung tu panganurin a te kapangyariyan sakay grabi a demlag.

Juan 19:34

Pero u essa a sundalo ay pinika na u hawes ni Jesus tu gayang, sakay bigla a nagbulos u dige ay tu dinom.

Juan 19:37

Kinagi be tu essa pa a bahagi nu Kasulatan, “Áelingán de u tolay a ginayang de.”

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

1 Tesalonica 4:17

Sakay hikitam a biyag palla ay maipun tu panganurin kaguman u biniyag hide tánni tagbuwán u Panginoon tu panganurin. Tánni makaguman tam siya hanggan-hanggan.

Hebreo 10:29

Sakodya ti kadágge tu palagay moy u parusa nu tolay a awan mángpahalaga tu Anak nu Diyos, sakay u awan mángpahalaga tu digi na a nangpatibay tu kasunduwan sakay nángpabanal nikuna, sakay u awan mánggalang tu makákkagbiyán a Banal a Ispirito?

Hebreo 6:6

Ni umadág pa hide, káttapos de a maranasan iye a atanan ay awan dán hide mapasole a huway. Dipo u gusto ni iye a kagiyán ay ipako de a huway tu kudus u Anak nu Diyos sakay pasanikiyán tu atubang nu makpal a tolay.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.

Judas 1:14

Nadid, ti Enoc a kapitto a lahe ni Adan ay impahayag na dán tu itod pa u tungkul tu magtoldu hide ti baka-bakán, kinagi na, “Ilingán moy! Dimmemát dán u Panginoon, kaguman na u libu-libu na a anghel,

Pahayag 22:20

Kinagi nu Panginoon Jesus a nagpahayag ti atananan iye, “Tatahoden! Pademátták dán!” Amen. Dumemát ka dán nakwa, Panginoon Jesus!

Pahayag 22:4

Ketan de u hupa na, sakay mesulat tu kidáp de u ngahan na.