Pahayag 1:5 - U Maganda A Baheta Ni Jesu-Cristo

⁵ Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 1:5 ပူးပေါင်းရင်းမြစ်များ

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Juan 13:1

Nadid ay dispiras dán nu kasayaan nu pággala-ala tu Págtaleb nu Anghel, tukoy dán ni Jesus a odas na dán a lumakad ti munduway dipo soli dán ti langet tu Ama na. Mahal na a tahod u disepulus na hide ti munduwáy, kanya hanggan tu katapusan ay impeta na nide ni sakodya na hide a kamahal.

Juan 13:34

Kanya essa a bigu a utus u iyatád ko nikam. Magmahalan kam, ni kodya takam a minahal ay konna bi hod u dapat moy a gimitán a págmahal tu bawat essa.

Juan 15:9

Mahal takam a konna tu pángmahal nikán nu Ama. Manatile kam tu págmahal ko.

Juan 18:37

Kinagi ni Pilato, “Ni konna hod ay essa ka a hare?” Timmábbeg ti Jesus, “Tama u kinagi mo a hariyák. Sakay ina u dahilan ni bakin a neenakák sakay immangay he ti munduwáy ay para ibaheta u tatahoden. U atanan a makatukoy tu tatahoden ay mágsaneg nikán.”

Juan 3:11

Kagiyan ko niko u tatahoden: Ikákkagi me u natukuyan me a mapatunayan me, pero awan moy iye tinanggap.

Juan 3:16

Dipo mahal a tahod nu Diyos u tolay hide ti munduway, kanya inyatád na u kaessa-essa na a Anak, para ni ti deya man u sumampalataya nikuna ay awan matay nan magkahod ti biyag a awan ti kahád.

Juan 3:32

Kakkagiyan na u netan na sakay u nasaneg na ti langet, pero sasangan la u maniwala tu kinákkagi na.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Gimet 26:23

a kailangan a maghirap ti Cristo, sakay siya u kadipalonguwan a mabiyag a huway para mángligtas tu kabanuwan na hide a Judio sakay tu Hentil hide.”

Roma 3:25

Ti Jesu-Cristo u pinaangay he nu Diyos ti munduwáy tánni iyalay na u biyag na, para maibut u iyamut nu Diyos nikitam, sakay tu pamamag-itan nu dige na ay napatawad dán u kasalanan tam ni sumampalataya kitam nikuna. Ginimet iye nu Diyos tánni ipeta na a siya ay matuwid, dipo tu purumero ay nagpasensiya siya sakay pinalipas na la u kasalanan a nagimet nu tolay hide a nakwa pinarusaan na dán hide.

Roma 8:37

Pero maski konna he u pághirap tam nadid, mapagtagumpayan tam pade i atananan iye, dipo ni Cristo a nangmahal nikitam.

1 Corinto 6:11

Konna hina u agum nikam tu itod. Pero nalinis kamon tu kasalanan moy hide sakay netalaga kamon tu Diyos. Napatawad kamon tu ngahan nu Panginoon tam a ti Jesu-Cristo sakay tu Banal a Ispirito nu Diyos.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Efeso 2:4

Pero kinagbiyan kitam nu Diyos sakay minahal na kitam ti husto.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Colosas 1:18

Ti Cristo u ulo nu mánnampalataya hide sakay hide u bággi na. Siya u pinaggábwatan nu biyag a awan ti kahád, dipo siya u kadipalonguwan a nabiyag a huway tánni siya u pinakadakila tu atanan.

1 Timoteo 6:13

Tu ngahan nu Diyos a mangatád ti biyag tu atanan a bagay, sakay tu ngahan ni Cristo Jesus a nagpatunay tu atubang ni Poncio Pilato ay iyutus ko niko

1 Timoteo 6:15

U aldew nu káddemát na ay intakda dán nu Diyos a tagapagpala sakay makapangyariyan, Hare nu atanan a hare, sakay Panginoon nu atanan a panginoon.

Hebreo 10:29

Sakodya ti kadágge tu palagay moy u parusa nu tolay a awan mángpahalaga tu Anak nu Diyos, sakay u awan mángpahalaga tu digi na a nangpatibay tu kasunduwan sakay nángpabanal nikuna, sakay u awan mánggalang tu makákkagbiyán a Banal a Ispirito?

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

1 Pedro 1:19

Nan u nangtubus na nikitam ay u dige ni Cristo. Siya u konna tu tupa a awan ti dangát sakay kapintasan, a ne alay tu Diyos tánni matubus u kasalanan nu tolay.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

1 Juan 4:10

Iye u tatahoden a págmahal: bakán a minahal tam u Diyos, nan hikitam u minahal na. Iye u dahilan kanya na he a pinaangay u Anak na tánni magin alay para tu kapatawaden nu kasalanan tam hide.

Pahayag 11:15

Nikuna patánnugán dán nu kapitto a anghel u trumpeta na ay tehhod a mágkabegsák a boses a gábwat ti langet a nagupos, “U pághare ti munduwáy ay neagton dán tu Panginoon tam sakay ni Cristo. Maghare siya hanggan-hanggan”

Pahayag 11:3

Paangayán ko hod u duwwa ko a tistigu a nakabadu ti pangluksa sakay ipahayag de u upos nu Diyos tu alay nu 1,260 a aldew.”

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”

Pahayag 19:11

Káttapos ni iye ay nabukasan u langet, sakay naketaák ti kabayo a mapudew. U mágkabayo ay dáddulawán de a Matapat sakay Tatahoden dipo matuwid siya a maghatul sakay mákgera.

Pahayag 19:16

Sumássulat tu badu na sakay tu pengkel na u ngahan a, “Hare nu atanan a hare sakay Panginoon nu atanan a panginoon.”

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.

Pahayag 3:14

Isulat mo be iye tu anghel nu gurupo nu mánnampalataya hide ti Laodicea: Iye u pekagi nu te ngahan a Amen, u matapat sakay tatahoden a tistigu, sakay siya u pinaggábwatan nu atanan a linalang nu Diyos.

Pahayag 7:14

Timmábbegák, “Awan ku ben tukoy. Hiko i makatukuyay.” Kaya kinagi na nikán, “Hide u nagtagumpay tu mahigpit a hirap. Mapudew dán nadid u badu de kumán a linabaan tu dige nu Tupa.