Pahayag 1:20 - U Maganda A Baheta Ni Jesu-Cristo

²⁰ Iye u gusto a kagiyán nu pitto a biton a netan mo a táttawed ko tu kawanan ko a kamát sakay u pitto a págtupuwan ti simbuwan a ginto: u pitto a biton ay u anghel hide nu pitto a gurupo nu mánnampalataya. Sakay u pitto be a págtupuwan ti simbuwan a ginto ay u pitto a gurupo nu mánnampalataya hide.”

Pahayag 1:20 ပူးပေါင်းရင်းမြစ်များ

Mateo 13:11

Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Lukas 8:10

Timmábbeg ti Jesus nide, “Inatádden kam nu Diyos ti karunungan tán matukuyan moy u lihim hide tungkul tu pághare na. Pero u agum ay tu pamamag-itan nu talinhaga hide tánni: ‘Maski umileng hide ay awan hide ti ketan; sakay maski mágsaneg hide ay awan hide ti maintendiyan.’ ”

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Pahayag 1:11

Kinagi na a, “Isulat mo u atanan a ketan mo, sakay ipatawed mo tu pitto a grupo nu mánnampalataya hide: ti Efeso, Esmirna, Pergamo, Tiatira, Sardis, Filadelfia, sakay ti Laodicea.”

Pahayag 1:16

Táttawed na u pitto a biton tu kawanan na a kamát sakay magluwas tu labi na u ispada a magdiliputan ti ngahab. Sakay makasile u hupa na a konna tu mainit a tanghale.

Pahayag 1:4

Iye ay gábwat nikán a ti Juan: U sulat ko a iye ay para nikam a pitto a grupo nu mánnampalataya hide ni Cristo a mamaggipun-ipun tu pitto a banuwan ti Asia. Magkahod kam nakwa ti kapayapaan sakay págpapala a gábwat tu Diyos. Diyos tu kasalukuyan, Diyos tu nakalipas, sakay Diyos tu pademát. Sakay gábwat tu Ispirito a te pitto a gawain, a katoy tu atubang nu trono na.

Pahayag 17:5

Sakay nakasulat tu kidáp na u ngahan ni iye a te lihim a kahulugan, “U tanyag a Babilonia, u ina nu bábbey a bábbayaden sakay atanan nu tolay ti munduway ay maggimet ti mágkalaswa.”

Pahayag 17:7

Pero kinagi nikán nu anghel, “Bakin magtaka ka? Kagiyán ko niko u sekreto a kahulugen nu bábbey sakay u sássakayan na a makaánteng a hayup a te pitto a ulo sakay sapulo a saduk.

Pahayag 2:1

Nadid, isulat mo tu anghel nu mánnampalataya hide ti Efeso: Iye u pekagi nu te tatawed tu pitto a biton tu kawanan na a kamát a maglakad tu bállog nu pitto a págtupuwan ti simbuwan a ginto.

Pahayag 2:12

Isulat mo tu anghel nu mánnampalataya hide ti Pergamo: Iye u pekagi nu te tatawed tu matalas a ispada a te magdiliputan ti ngahab:

Pahayag 2:18

Isulat mo tu anghel nu gurupo nu mánnampalataya hide ti Tiatira: “Iye u pekagi nu Anak nu Diyos a tehhod a mata a kumán a maggehab a apoy sakay u tikád na ay kumán a magkinang-kinang a pinakintab a tangso.

Pahayag 2:5

Isipán moy u date moy a kalagayan; ni kodya kam a nanglamig tu pánnampalataya moy. Magsise kamon sakay gimitán moy a huway u date moy a gággimitán tu purumero. Ni awan ka magsise ay angayák hina sakay ibutan ko tu páppágyanan na u simbuwan moy.

Pahayag 2:8

“Nadid, isulat mo iye tu anghel nu mánnampalataya hide ti Esmirna: Iye u pekagi nu Sapul ay tu Katapusan, u natay sakay nabiyag a huway.

Pahayag 3:1

“Nadid, Isulat mo iye tu anghel nu mánnampalataya hide ti Sardis: Iye u pekagi nu tehhod nikuna u pitto a gawain a Ispirito nu Diyos sakay tu pitto a biton. Tukoy ko u gimet moy; tu pangileng ay biyag kam, pero i tahoday ay patay kamon.

Pahayag 3:14

Isulat mo be iye tu anghel nu gurupo nu mánnampalataya hide ti Laodicea: Iye u pekagi nu te ngahan a Amen, u matapat sakay tatahoden a tistigu, sakay siya u pinaggábwatan nu atanan a linalang nu Diyos.

Pahayag 3:7

Isulat mo be iye tu anghel nu gurupo nu mánnampalataya hide ti Filadelfia: Iye u pekagi nu banal sakay u tatahoden, hod nikuna u susi oni kapangyariyan a nagsapul tu pághare ni David. Siya u maghatul ni ti deya u makasaddáp tu kahariyan na, nan awan ti makapángsiradu tu binukasan na, sakay awan ti makapangbukas tu siniraduwan na: