Pahayag 1:18 - U Maganda A Baheta Ni Jesu-Cristo

¹⁸ sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.

Pahayag 1:18 ပူးပေါင်းရင်းမြစ်များ

Mateo 11:23

Sakay hikam a taga Capernaum, dyan moy ipalalo a makaangay kam ti langet dipo iyangay kam nu Diyos ti impiyerno. Ni u himala hide a ginággimet nikam ay nangyare ti Sodoma ay nagsisi nakwa u tolay hod hide tu itod sakay awan hide napuksa.

Mateo 16:19

Iyatád ku niko u susi hide tu kaharian ti langet: u ipagbawal mo ti lutaáy ay ipagbawal ti langet sakay u payagen mo ti lutaáy ay payagen bi ti langet”

Lukas 24:5

Dipo tu ánteng de ay limmuhud hide a sayad u hupa de tu luta. Tinanung hide nu lállake a duwwa, “Bakin ehyukán moy u biyag tu lugar nu patay hide?

Juan 11:25

Kinagi ni Jesus nikuna, “Hikán u mangbiyag tu patay hide, sakay hikán be u mangatád ti biyag. U maniwala nikán, maski ni matay ay huway a mabiyag.

Juan 14:19

Sabadit dálla a panahun ay awanák dán ketan nu taga-mundo hide, pero ketanák moy. Sakay dipo biyagák, hikam be ay mabiyag.

Roma 6:9

Dipo tukoy tam a ti Cristo ay nabiyag a huway sakay awan dán matay a huway. Awan dán nikuna ti kapangyariyan u kamatayan.

2 Corinto 13:4

Dipo maski ni mahina siya nikuna ipako siya tu kudus, pero nabiyag siya tu kapangyariyan nu Diyos. Mahinaák be konna ni Cristo tu itod, pero dipo tu pákpagkaessa ko ni Cristo ay mabiyagák nadid tu kapangyariyan nu Diyos tánni mangaral nikam.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Colosas 3:3

dipo kumán kamon a natay tu date moy a kákkabiyag, sakay u tatahoden moy a biyag ay katoy tu Diyos, kaguman ni Cristo.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Hebreo 7:16

Nagin saserdote siya dipo tu kapangyariyan na dipo u biyag na ay awan ti kahád, bakán a dipo tu lahe a konna tu patakaran nu Kautusan.

Hebreo 7:25

Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.

Pahayag 10:6

Sakay nanumpa tu ngahan nu Diyos a te biyag a awan ti kahád, a nanglalang tu langet, tu luta, tu diget, sakay tu atanan a katoy hod. Kinagi nu anghel, “Awan dán magmalay!

Pahayag 15:7

U essa tu áppat a linalang a biyag ay nangatád tu pitto a anghel ti tatággessa de a malukung a ginto a putat ti parusa dipo tu matindi a iyamut nu Diyos a biyag hanggan-hanggan.

Pahayag 2:8

“Nadid, isulat mo iye tu anghel nu mánnampalataya hide ti Esmirna: Iye u pekagi nu Sapul ay tu Katapusan, u natay sakay nabiyag a huway.

Pahayag 20:13

Sakay inyobla nu diget u nágkatay hide a katoy hod. Inyobla be nu luta sakay nu Hades u nágkatay hide a katoy nide. Hinatulan u atanan ayun tu ginimet de.

Pahayag 20:14

Káttapos ay imbut tu kumán a diget a apoy u Kákkatay sakay u Hades. I malawakan iye a apoy ay u kaduwwa a kamatayan.

Pahayag 3:7

Isulat mo be iye tu anghel nu gurupo nu mánnampalataya hide ti Filadelfia: Iye u pekagi nu banal sakay u tatahoden, hod nikuna u susi oni kapangyariyan a nagsapul tu pághare ni David. Siya u maghatul ni ti deya u makasaddáp tu kahariyan na, nan awan ti makapángsiradu tu binukasan na, sakay awan ti makapangbukas tu siniraduwan na:

Pahayag 4:9

Sakay mentras a mágkansiyon hide ti papure, parangal, sakay pasasalamat tu mággetnod tu trono, a te biyag hanggan-hanggan,

Pahayag 5:14

Tummábbeg u áppat a linalang a biyag ti, “Amen!” Sakay limmuhud u atanan nu tagapangasiwa hide sakay sinumamba tu Diyos sakay tu Tupa.

Pahayag 6:8

Sakay naketaák ti malabut a kabayo. U ngahan nu mágkabayo hod ay Kákkatay, a áunonudán nu Hades. Sakay naatádden hide ti kapangyariyan tu kaáppat a bahagi ti lutaáy a mamuno tu pamamag-itan nu ispada, alap, saket sakay mágkatapang a hayup.

Pahayag 9:1

Nadid, nikuna a patánnugán nu kalimma a anghel u trumpeta na ay áelingán ko a natápduk ti lutaáy u essa a biton a gábwat ti langet. Sakay neatád nikuna u suse nu ganáb nu ábbut a tunay ti kadsalad.