Pahayag 1:1 - U Maganda A Baheta Ni Jesu-Cristo

¹ Nadid, iye u libro a sássulatan nu pahayag ni Jesu-Cristo tungkul tu bagay hide a adene dán a mangyare. Iye ay kinagi nu Diyos ni Jesu-Cristo para ipatukoy na iye nikitam a tagapagserbi na. Iye ay impahayag na ni Juan tu pamamag-itan nu pinaangay na a anghel.

Pahayag 1:1 ပူးပေါင်းရင်းမြစ်များ

Juan 12:49

Dipo u itáttoldu ko ay bakán a gábwat tu sadile ku la nan gábwat tu Ama a nangpaangay he nikán. Siya u nagutus tu kagiyán ko.

Juan 15:15

Awan takamon ibilang a alipin, dipo awan tukoy nu alipin ni ánya u gággimitán nu amo na. Nan, inturing takamon a amigu ko, dipo kagiyán ko nikam u atanan a nasaneg ko tu Ama.

Juan 17:8

Dipo intoldu ko nide u atanan a intoldu mo nikán sakay tinanggap di iye. Siguradu hide a talaga gábwaták niko sakay maniwala hide a pinaangayák mu he.

Juan 3:32

Kakkagiyan na u netan na sakay u nasaneg na ti langet, pero sasangan la u maniwala tu kinákkagi na.

Juan 8:26

U tatahoden ay makpalák pa a makagi sakay mehatul kontara nikam. Awanák ti ikagi tu tolay hide ti munduway liban tu ipekagi nikán nu nangpaangay he nikán. Sakay mapagkatiwalaan u kinagi na hide.”

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

Galacia 1:12

Dipo awan ko iye tinanggap tu tolay sakay awan bi iye intoldu nikán nu maskin deya a tolay. Nan ti Jesu-Cristo a mismo u nánghayag he nikan.

Efeso 3:3

U plano hide nu Diyos a awan palla tu itod ti nakatukoy ay Inpahayag na nikán a mismo, sakay te nesulaták dán nikam tungkul ti iye.

Tito 1:1

Mahal ko a Tito. Hikán iye ti Pablo a alipin nu Diyos sakay apostol ni Jesu-Cristo. Piniliyák na para patatagán u pánnampalataya nu pinile na hide a tolay sakay palawakán u pákkatukoy de tu tatahoden a tungkul tu kakkabiyag a ayun tu kaluuban nu Diyos.

Pahayag 1:19

Kanya isulat mo u atanan a netan mo, u mangyare nadid sakay u mangyare palla tu tamuwán.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 17:1

Nadid ay immadene nikán u essa tu pitto a anghel a te tatawed a pitto a malukung, kinagi na, “Karon he, ta ipeta ko niko ni kodya a parusaan u raina nu kahalayan. I bábbiyan iye ay u dakál a banuwan a netaknág tu adene nu pamágtagbuwan nu makpal a konayan.

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”

Pahayag 19:9

Sakay kinagi nikán nu anghel, “Isulat mo iye: Pinagpala u naimbitaan tu kasal nu Tupa.” Sakay kinagi na pa, “Iye a kinagi ko ay tatahoden a upos nu Diyos.”

Pahayag 21:2

Sakay netan ko u Banal a Banuwan, u bigu a Jerusalem a pasidung a gábwat tu Diyos ti langet. Konna tu bábbey a ikasal a nakabadu ti maganda a handa para tagbuwán nu lállake a makabanga na.

Pahayag 21:9

Immadene nikán u essa tu pitto hide a anghel a te tatawed a pitto a malukung a putat tu pitto a katapusan a salut. Kinagi na, “Karon he, ta ipeta ko niko u bábbey a magin kabanga nu Tupa.”

Pahayag 22:1

Nadid, impeta be nikán nu anghel u konayan a makapangatád ti biyag. Tunay a lekmang u dinom a kumán a bubug. Gábwat iye a konayan tu trono nu Diyos sakay nu Tupa.

Pahayag 22:16

“Hikán ti Jesus, u nangutus tu anghel ko para ipakapospos nikam a grupo nu mánnampalataya hide iye hide a bagay. Gábwaták tu lahe ni David sakay hikán u mademlag a biton ti dimadimang.”

Pahayag 22:6

Sakay kinagi nikán nu anghel, “Maasaan sakay tatahoden iye hide a upos. U Panginoon a Diyos, a nángkaluub tu Ispirito na tu prupeta hide, u nangutus tu anghel na a ipakapospos tu tagapagserbi na hide u bagay hide a adene dán a mangyare.”

Pahayag 22:8

Hikán ti Juan u nakasaneg sakay naketa ti iye hide a bagay. Pákkasaneg ko sakay pákketa ti iye a atanan ay limmuhudák tu atubang nu anghel a nángpeta nikán para sumamba nikuna.

Pahayag 22:9

Pero kinagi na nikán, “Dyan mo ina gimitán! Tagapagserbiyák labe a kapareho mo, konna tu kákkapatkákka mo a prupeta, sakay u atanan a mangsunud tu upos hide ti libruwan iye. U Diyos i sambaán muway!”

Pahayag 4:1

Káttapos ni iye ay naketaák ti bumábbukas a pintuwan ti langet. Sakay nasaneg ko a huway u boses a kumán a trumpeta, kinagi na, “Sumangkay ka he ta ipeta ko niko u mangyare tu pademát a panahun.”

Pahayag 5:7

Ummadene u Tupa sakay inalap na u nalukot a kasulatan tu kawanan a kamát nu mággetnod tu trono.