Mateo 9:8 - U Maganda A Baheta Ni Jesu-Cristo

⁸ Nikuna netan iye nu tolay hide ay nagtaka hide sakay pinuri de u Diyos a nangatád ti konna hina a kapangyariyan tu tolay hide.

Mateo 9:8 ပူးပေါင်းရင်းမြစ်များ

Mateo 12:23

Nagtaka u atanan a tolay sakay kinagi de “Sa dáwwád iye u Anak ni David?”

Mateo 15:31

Kanya nagtaka u tolay hide nikuna a netan de a makaupos dán u bulol, makalakad dán u pilay, sakay maketa dán u buhák. Sakay pinuri de u Diyos nu Israel dipo tu nangyare.

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Mateo 5:16

Konna la be hod u gimitán moy, ipeta moy u demlag moy tu tolay hide tánni ketan de u mágkaganda moy a gimet. Tán para puriyán de u Ama moy ti langet.”

Mateo 9:7

Pagdaka a inumágkat u tolay sakay nagsole tu bilay de.

Markos 2:12

Tummaknág ngani u paralitiko samantala umaeleng u atanan a tolay. Agad na a tinawed u kákkatdugen na sakay lummakad, kanya atanan a katoy hod ay nagtaka. Nagpure hide tu Diyos sakay kinagi de, “Awan kami padla naketa ti konna he maskin nikasangan”!

Markos 7:37

U atanan a nakasaneg ay nagtaka hide a tahod, kinagi de, “Maganda u gimet ni itona a lállake! maski u buhák ay naketa, sakay u bulol hide ay pagupusán na hide ti maganda.”

Lukas 13:13

Sakay intupo ni Jesus u kamát na tu bábbey, kaya neolnat na u bággi na ti itod be sakay nagpure tu Diyos.

Lukas 17:15

Nikuna nabate nu essa a nagpiyya dán siya, ay nagsole siya a mágpapákhawán a nágpapuriyán tu Diyos.

Lukas 17:18

Bakin awan nagsole u agum para magpure tu Diyos, nan i nagsole paáy ay i bakán náy a taga-he?”

Lukas 18:43

Kaya ti odas biyan itod ay naketa siya sakay tulos a immunonod ni Jesus a nágpapuriyán tu Diyos. Nikuna a ketan itod nu katolayan ay atanan de a nagpure tu Panginoon.

Lukas 2:20

Nagsole tu parang u mággalaga hide ti tupa a makán puriyán tu kadakilaan nu Diyos dipo tu atanan a nasaneg sakay netan de, dipo natupad u inbaheta nu anghel hide nide.

Lukas 23:47

Nikuna ketan nu kapitan nu sundalo hide u nangyare ay nagpure siya tu Diyos. “Talaga a malinis i tolayan iye!” kagi na.

Lukas 7:16

Neántingan hide a atanan sakay nagpure hide tu Diyos. Kinagi de, “Dummemát dán nikitam u dakila a prupeta. Immangay he u Diyos para tulungan na kitam a tolay na hide.”

Juan 15:8

Maparangalan u Ama ko ni magbunga kam ti makpal, sakay tu konna he a paraan ay mepeta moy a disepulus takam.

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Gimet 21:20

Nikuna masaneg di iye ay nagpure hide tu Diyos. Sakay kinagi de ni Pablo, “Tukoy mo kapátkákka, tehhod dán a sangan a libu a Judio u summampalataya ni Jesus pero atanan de ay masigasig pade a sumunud tu Kautusan ni Moises.

Gimet 4:21

Pero mahigpit di pa hide a binawalan a mangaral sakay káttapos ay pinalaya di dán hide. Maski ni gusto di nakwa a pahirapan u duwwa ay awan de iye nagimet dipo manteng hide tu tolay hide. Dipo u tolay hide ay magpure tu Diyos dipo tu nangyare a himala.

2 Corinto 9:13

U pángngatád moy ay mangpatunay nide a tapat moy a sinunud u Maganda a Baheta tungkul ni Cristo. Dipo hina, magpure hide tu Diyos.

Galacia 1:24

Kanya pinure de u Diyos dipo tu ginimet na nikán.

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.