Mateo 9:6 - U Maganda A Baheta Ni Jesu-Cristo

⁶ Patunayan ku nikam a hikán a Anak nu Tolay ay te kapangyariyan a magpatawad ti kasalanan he ti munduwáy.” Kaya kinagi na tu tolay a awan makaahikad “Umágkat ka dán anak, báklayán mudán i ayude sakay soli ka tu bilay moy dipo nagpiyya ka dán.”

Mateo 9:6 ပူးပေါင်းရင်းမြစ်များ

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Mateo 8:20

Timmábbeg ti Jesus nikuna “U aso ay te págyanan sakay u manok hide ay te lobun pero hikán a Anak nu Tolay ay awan ti bilay a sadili a págkatdugan oni maimangan.”

Mateo 9:2

Káddemát di hod ay intugán nu sasangan a tolay u essa a tolay a awan makaahikad ni Jesus. U tolay ay nágkatdug tu essa a ayod. Nikuna netan ni Jesus a te pánnampalataya hide nikuna ay kinagi na tu tolay a awan makaahikad “Anak, magsaya ka dipo pinatawad ta ka dán tu kasalanan mo.”

Mateo 9:5

Anya beman u alisto a gimitán ti tolayáy, kagiyán ku nikuna a ‘Pinatawad taka dán tu kasalanan mo,’ oni ‘Tumaknág ka sakay lumakad ka dán.’?

Mateo 9:7

Pagdaka a inumágkat u tolay sakay nagsole tu bilay de.

Markos 2:10

Pero patunayan ku nikam a tehhod a kapangyariyan u Anak nu Tolay a magpatawad ti kasalanan ti lutaáy,” kinagi na tu paralitiko,

Markos 2:7

“Bakin magupos siya ti konna hod? Lapastangan ina tu Diyos! Awan beman u Diyos la u makapagpatawad ti kasalanan?”

Lukas 5:21

U maisto hide nu Kautusan sakay u Pariseo hide ay nággisip-isip sakay namágguhon-uhon hide, “Deya ben iye a tolay a magkukunware a Diyos? Awan beman Diyos la i maariyay a magpatawad ti kasalanan?”

Juan 10:28

Atádden ko hide ti biyag a awan ti kahád, sakay awan hide mepahamak. Awan ti makaagew nide tu kamát ko.

Juan 17:2

Dipo inatáddinák mo ti kapangyariyan tu atanan a tolay para maatádden ko ti biyag a awan ti kahád u atanan a tolay a inyatád mo nikán.

Juan 5:27

Inatádden be siya ti kapangyariyan a maghatul, dipo siya u Anak nu Tolay.

Juan 5:8

Kinagi ni Jesus nikuna, “Tumaknág ka, ágkatán mo i kákkatdugan muwe sakay maglakad ka dán!”

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Gimet 9:34

Kinagi nikuna ni Pedro, “Eneas, pinagpiyya ka dán ni Jesu-Cristo. Tumaknág ka sakay isáddi mo i abák muwe!” Pagdaka a immikat ti Eneas.

2 Corinto 2:10

Ni deya man u pinatawad moy ay pinatawad ko dán be. Ni nagpatawadák man tistigu ko ti Cristo a ginimet ko itod alang-alang nikam.

2 Corinto 5:20

Kaya hikame ay inutusan ni Cristo; a u Diyos a mismo u mákpágguhon nikam tu pamamag-itan me. Mákpágguhon kame nikam alang-alang ni Cristo; a magsole kamon tu Diyos.

Efeso 4:32

Nan magin mabait kam sakay makákkagbiyán tu balang essa sakay magpatawadan kam konna tu págpatawad nikam nu Diyos tu pamamag-itan ni Cristo.

Colosas 3:13

Mamágpasensiyaan kam sakay mamágpatawaden ni te saket kam ti isip tu balang essa. Magpatawaden kam konna tu págpatawad nikam nu Panginoon.