Mateo 9:4 - U Maganda A Baheta Ni Jesu-Cristo

⁴ Pero natukuyan ni Jesus u inisip de kanya tinanung na hide “Bakin a magisip kam ti madukás tungkul nikán?

Mateo 9:4 ပူးပေါင်းရင်းမြစ်များ

Mateo 12:25

Dipo tukoy ni Jesus u inisip de ay kinagi na nide “Ni u totolay tu essa a kahariyan ay maggurugurupo sakay mamáglaban hide ay sigurado a masida u kahariyan. Sakay ni u totolay tu essa a banuwan oni bilay ay mamáglaban ay siguradu be a awan hide magkaessa. Awan hide ti abután.

Markos 12:15

Pero tukoy ni Jesus a magkukunware la hide, kanya kinagi na, “Bakin páppurbaanák moy? Atáddinák moy ti pilak.”

Markos 2:8

Tukoy ni Jesus u katoy tu isip de kanya kinagi na a agad, “Bakin magisip kam ti konna hina?

Lukas 11:17

Pero tukoy na u áisipán de, kaya kinagi na nide, “U bawat kahariyan a awan ti pamágkaessa ay masida sakay konna bi hod u mangyare tu sabilay a mamágdadema.

Lukas 5:22

Pero tukoy ni Jesus u katoy tu isip de kaya kinagi na nide, “Bakin magisip kam ti konna hina?

Lukas 6:8

Pero tukoy ni Jesus u katoy tu isip de, kaya kinagi na tu lállake a patay ti kawanan a kamát, “Karon he, angay ka tumáknag ti atubangay.” Immadene u lállake sakay timmáknág tu atubang de.

Lukas 7:40

Tukoy ni Jesus u katoy tu isip ni Simon, kaya kinagi na, “Simon, tehhodák a kagiyán niko.” “Ánya itod, maisto?” kagi ni Simon.

Juan 16:19

Tukoy ni Jesus a gusto de a magtanung, kanya kinagi na nide, “Namágtanungan kam beman tungkul tu kinagi ko a ‘Sabadit dálla a panahun ay awanák moy dán ketan, sakay káttapos nu sabadit a panahun ay ketanák moy a huway?’

Juan 16:30

Tukoy me a tukoy mo u atanan a bagay, sakay awan ka dán kailangan a tanungán nu deyaman. Kanya maniwala kame a gábwat ka tu Diyos.”

Juan 21:17

Tu katállo a beses ay kinagi ni Jesus, “Simon a anak ni Juan, mahalák mu beman a talaga?” Nalungkut ti Pedro dipo tállo na dán siya a beses a tanungán ni mahal na be man siya. Kanya timmábbeg siya, “Panginoon, tukoy mo u atanan a bagay. Tukoy mo a mahal taka.” Kinagi ni Jesus nikuna, “Pakanán mo u tupa ko hide.”

Juan 6:61

Maski ni awan ti nagkagi nikuna ay tukoy ni Jesus a naganasasan u disepulus na hide dipo tu intoldu na hide. Kanya kinagi na nide, “Dipo beman ti iye ay adágginák moy dán?

Juan 6:64

Pero te sangan nikam a awan maniwala.” Kinagi iye ni Jesus dipo tukoy na a sapul pa ti sapul ni ti deya u awan hide maniwala sakay ni ti deya u mángtokyon nikuna.

Gimet 5:9

Kanya kinagi nikuna ni Pedro, “Bakin pinagkaessaan moy a purbaan u Ispirito nu Panginoon? Ilingan mo! Katoy dán ti pintuwane u naglábbáng hide tu kabanga mo, hiko dámman nadid isunud diyay a ilábbáng!”

Pahayag 2:23

Sakay pati be u immunonod hide tu toldu na ay parusaan ko ti kamatayan tu pamamag-itan nu peste, tánni matukuyan nu atanan a mánnampalataya a hikán u makatukoy tu puso sakay tu isip nu tolay. Premyuwan ko u balang essa nikam ayun tu ginimet moy.