Mateo 9:37 - U Maganda A Baheta Ni Jesu-Cristo

³⁷ Kanya kinagi na tu disepulus na hide, “Makpal u aniyán pero sasangan la u maggapas.

Mateo 9:37 ပူးပေါင်းရင်းမြစ်များ

Mateo 20:1

Intulos ni Jesus u págtoldo na, kinagi na “U pághare nu Diyos ay kapareho ni iye: Essa a dimadimang a tahod ay limmuwas u te kao tu ubasan tu bilay na para magehyok ti upaan na hide.

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Mateo 9:38

Ipagdasal moy tu Panginoon a makákkao tu ani a magpatawed ti maggapas hide tu ani.”

Markos 16:15

Sakay kinagi nide ni Jesus, “Umangay kam tu buo a mundu sakay ipangaral moy u Maganda a Baheta tu atanan a tolay.

Lukas 10:2

Sakay kinagi na nide, “Makpal u gapasán, pero kulang u mággapas.” Kaya idasal moy tu makákkao a mángpaangay pa siya ti mággapas tu pággapasan na.

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Gimet 16:9

Ti gibiyan itod ay nagkahod ti essa a pangitain ti Pablo: te essa a lállake a taga-Macedonia a te taknág sakay mákkekakagbi nikuna, kinagi na, “Umangay ka pay ti Macedoniaáy sakay tulungan moy kame.”

Gimet 18:10

Pirmiyák mo a kakaguman kanya awan niko ti mangpasa-pasaket, sakay makpal u manampalataya nikán ti iye a banuwan.”

1 Corinto 3:9

Dipo pareho kami la ay ti Apolos a mágtarabaho para tu Diyos, sakay hikam u kumán a araduwan sakay hikam u kumán a bilay a ipataknág nu Diyos.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

Colosas 4:11

Kumusta kam kálla be kagi ni Jesus a nginahanan de a Justo. Hide la a tállo u Kristiyano a Judio he a timmulung nikán tu pángngaral tungkul tu pághare nu Diyos. Hide u nangpabegsák tu isip ko.

1 Timoteo 5:17

U pinuno hide a mangasiwa ti mahusay ay dapat la a tumanggap ti pággalang sakay madagdagen u suweldu de lalu dán u mángngaral hide sakay mágtoldu tu upos nu Diyos.

Santiagu 5:4

U tolay hide a pinagtarabaho moy tu araduwan moy ay mágdadaingán tu Diyos dipo awan moy binayaden. Nadid nasaneg dán nu Diyos a makapangyariyan tu atanan u daing de hide.