Mateo 9:36 - U Maganda A Baheta Ni Jesu-Cristo

³⁶ Nikuna a netan na u tolay hide ay kinagbiyan na hide. Dipo mabalisa hide sakay awan de tukoy ni hádya hide magaged ti tulung. Kumán hide a tupa a awan ti pastol.

Mateo 9:36 ပူးပေါင်းရင်းမြစ်များ

Mateo 10:6

Angay moy tolduwan u Israelita la hide, u netawtaw a tupa hide nu Diyos.

Mateo 14:14

Nikuna inumawas ti Jesus ay hod dán hod u makpal a tolay a naguhay nikuna. Nikuna netan na u makpal a tolay ay kinagbiyan na hide. Sakay pinagpiyya na u te saket nide.

Mateo 15:24

Kanya kinagiyan na u bábbey “Inutusanák nu ama ko para la tu netawtaw a tupa a Israelita hide, bakán a tu awan Israelita.”

Mateo 15:32

Nadid dinulawan ni Jesus u disepulus na hide sakay kinagi na nide “Kakagbi u tolay hide. Tállo dán hide a aldew a kakaguman tam, awan dán hide ti makan. Awan ko gusto a palakadán ku hide a magaláp makay pumatay hide tu dilan.”

Markos 6:34

Káawas ni Jesus tu abang ay netan na u tunay ti káppal a tolay. Nahabag siya nide dipo kumán hide a tupa a awan ti pastol, kanya tinolduwan na hide ti makpal a bagay.

Markos 8:2

“Mahabagák ti tolayáy hide, tállu dán hide a aldew a kaguman ko sakay awan dán hide ti makan.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.

Hebreo 5:2

Mapákpággaguman na ti maayus u tolay hide a awan ti tukoy sakay masuwayin, dipo tehhod be siya a kahinaan a konna nide.