Mateo 9:20 - U Maganda A Baheta Ni Jesu-Cristo

²⁰ Tu páglakad de ay te essa a bábbey a umunonod nide. Iye a bábbey ay duwwa pulo dán a taon a te saket a mágdadigiyan. Sakay kinahap nu bábbey u garayan nu badu ni Jesus.

Mateo 9:20 ပူးပေါင်းရင်းမြစ်များ

Mateo 14:36

Nákkekagbi u te saket hide a ni maari de a kahapán maski u garayan la nu damit na. U atanan a kumahap ay nagpiyya.

Mateo 23:5

Puro a pagpakunware u gimet de hide. Pinalabang de u págdattonan de ti bersikulo de sakay pinaatakdug de u garayan nu damit de hide para mapansin hide nu tolay a mágserbi hide tu Diyos.

Mateo 9:19

Kanya tinumaknág ti Jesus sakay u disepulus na hide sakay nákkuyog tu puno.

Markos 6:56

Maskin hádya siya a umangay, tu babaryo, tu banu-banuwan, oni tu buki-buked ay iyangay di nikuna u te saket hide, tu lugar a pagipun-ipunan nu tolay hide. Nákkekagbi hide ni Jesus ani maare ay pakahapán na u kessaket hide maskin u garayan nu damit na. Sakay u atanan nu makakahap ay magpiyya.

Markos 8:22

Nadid, tu káddemát de ti Betsaida ay te sangan a tolay a nang angay tu kan Jesus ti essa a lállake a buhák, nákkekagbi hide a ni maare ay pagpiyyaán na i lállakeyan itod.

Gimet 19:12

Maski panyo oni badu a ginamit ni Pablo ay iyangay de tu tehhod hide a saket. Nagpiyya hide maski u madukás hide a ispirito a magpahirap nide ay lumakad.

Gimet 5:15

Inyangay nu tolay hide tu karsada u te saket hide sakay pinágkatdug de hide tu katre sakay u agum ay ti abák, tánni tu káttaleb ni Pedro ay malenduman hide nu anino na.