Mateo 9:15 - U Maganda A Baheta Ni Jesu-Cristo

¹⁵ Timmábbeg ti Jesus “Maari beman a magdalamhate u nákpagkasal hide ni kaguman di palla u lállake a ikasal? Siyempre awan. Pero dumemát u aldew a alapán de u lállake a ikasal, hod dán hide a magkulasyon.

Mateo 9:15 ပူးပေါင်းရင်းမြစ်များ

Mateo 9:14

Nadid immangay u disepulus ni Juan a Mágbautismo ni Jesus sakay nagtanung, “Bakin hikame sakay u Pariseo hide ay magkulasyon pero u disepulus mo hide ay awan?”

Mateo 9:16

Sakay awan ti mangdihop ti bigu a tela para áppolan u ábbut tu dati a badu. Dipo ni labaan de u badu ay bumadit u bigu a tela a inyáppol de. Batakán nu bigu a tela u dati a badu sakay pisadán na. Mas dumakál dán nadid u sida nu badu.

Markos 2:19

Timmábbeg ti Jesus, “Dapat beman a magkulasyon u tolay hide tu kasalan mentaras kaguman di palla u lállake a inkasal? Awan! Mentaras kaguman di padla siya ay awan di itod gimitán.

Markos 2:20

Pero dumemát u aldew a meadeyo nide u lállake a inkasal, kaya hod padla hide a magkulasyon.”

Lukas 17:22

Káttapos ay kinagi na tu disepulus hide, “Dumemát u panahun a gustuwán moy a ketan u Anak nu Tolay maskin essa aldew la, pero awan mangyare itod.”

Lukas 5:34

Timmábbeg ti Jesus, “Pagkulásyonán moy beman u bisita hide tu kasalan a kaguman de pálla u lállake a kinasal?

Lukas 5:35

Dumemát u aldew a mehiwalay dán u kinasal, saka palla hide a magkulasyon.”

Juan 16:6

Malungkut kam nadid, dipo tu kinagi ko nikam.

Juan 3:29

Konna tu essa a bábbey a ikasal, u bábbey a ikasal ay para tu lállake a ikasal, u kaibigan nu ikasal ay masaya a maguhay tu káddemát nu lállake a ikasal. Konnaák bi hod, tunay i kasayaan kuwáy nadid ta angay dán u tolay hide tu kán Jesus.

Gimet 14:23

Tu balang simbaan nu mánnampalataya hide ay nagpile ti Bernabe sakay ti Pablo ti magin pinuno tu simbaan de. Káttapos de a nagdasal sakay nagkulasyon ay impagkatiwala de tu Panginoon a pánnaligan de.

1 Corinto 7:5

Kanya dyan moy ikemot a mákduhog tu kákkabanga moy, maliban dálla ni napagkasunduwan moy a dyan kam palla magduhog, tánni melaan u panahun moy tu págdasal. Pero káttapos ay maare kamon a magduhog tánni awan kam matokso ni Satanas dipo la a awan kamon makapagpugád tu sadile moy.

2 Corinto 11:27

Nadanas ko be u matindi a hirap sakay pagud, pirme a magpuyat, matindi a aláp sakay uwaw. Nagdanasák ti dágnen dipo awanák ti mealikábkáb.

Pahayag 19:9

Sakay kinagi nikán nu anghel, “Isulat mo iye: Pinagpala u naimbitaan tu kasal nu Tupa.” Sakay kinagi na pa, “Iye a kinagi ko ay tatahoden a upos nu Diyos.”

Pahayag 21:2

Sakay netan ko u Banal a Banuwan, u bigu a Jerusalem a pasidung a gábwat tu Diyos ti langet. Konna tu bábbey a ikasal a nakabadu ti maganda a handa para tagbuwán nu lállake a makabanga na.