Mateo 8:16 - U Maganda A Baheta Ni Jesu-Cristo

¹⁶ Nikuna a gibi dán ay inyangay nu tolay hide ni Jesus u makpal hide a hinayup. Essa na la a utos ay pinalakad na u mágkadukás hide a ispirito sakay pinagpiyya na u te saket hide.

Mateo 8:16 ပူးပေါင်းရင်းမြစ်များ

Mateo 12:22

Nadid, te essa a tolay a hinayup a buhák sakay bulol pa be a inyangay de ni Jesus. Pinagpiyya ni Jesus u tolay kanya nakaupos sakay naketa dán.

Mateo 14:14

Nikuna inumawas ti Jesus ay hod dán hod u makpal a tolay a naguhay nikuna. Nikuna netan na u makpal a tolay ay kinagbiyan na hide. Sakay pinagpiyya na u te saket nide.

Mateo 8:15

Kinahap ni Jesus u kamát na sakay naibut u ladu na. Tulos a inumikat u bábbey sakay sinerbiyan na ti Jesus ti makan.

Mateo 8:33

Nikuna netan iye nu tagaalaga hide tu babuy ay ginuminan be hide a tamo tu banuwan de. Imbaheta de u atanan a nangyare pate u nangyare tu hinayup hide.

Mateo 9:2

Káddemát di hod ay intugán nu sasangan a tolay u essa a tolay a awan makaahikad ni Jesus. U tolay ay nágkatdug tu essa a ayod. Nikuna netan ni Jesus a te pánnampalataya hide nikuna ay kinagi na tu tolay a awan makaahikad “Anak, magsaya ka dipo pinatawad ta ka dán tu kasalanan mo.”

Markos 2:3

Mentaras a magtoldu ti Jesus, ay te dimmemát a áppat a lállake, te usung hide a paralitiko.

Markos 5:8

Kinagi na iye dipo inyutus ni Jesus, “Madukás a ispirito, lumakad ka ti tolayan iye!”

Markos 9:25

Tu pákketa ni Jesus tu tunay ti káppal a tolay a tamo nikuna ay kinagiyan na u madukás a ispirito, “Hiko, a ispirito a mágpabángngág sakay mágpabulol umibut ka dán ti anake: sakay diyan ka dán sumole nikuna a huway!”

Lukas 13:12

Pákketa nikuna ni Jesus ay dinulawan na siya sakay kinagi na, “Nagpiyya ka dán ti bábbatiyán muwe.”

Lukas 4:40

Nikuna sumaham dán u aldew ay inyangay nu tolay hide tu kán Jesus u te saket hide. Intupo na u kamát na tu balang essa, sakay pinagpiyya na hide.

Lukas 4:41

Nágpapákhawán a limmuwas u mágkadukás a ispirito tu kakpalan nu tolay hide kinagi de, “Hiko u Anak nu Diyos!” Pero sinaway hide ni Jesus sakay awan na hide pinakultadan a magupos, dipo tukoy de a siya u Cristo.

Gimet 5:15

Inyangay nu tolay hide tu karsada u te saket hide sakay pinágkatdug de hide tu katre sakay u agum ay ti abák, tánni tu káttaleb ni Pedro ay malenduman hide nu anino na.