Mateo 7:21 - U Maganda A Baheta Ni Jesu-Cristo

²¹ Sakay kinagi pa ni Jesus “Awan atanan a dumulaw nikán a Panginoon ay paghariyan nu Ama ko ti langet. U paghariyan na hide ay u sumunud la nikuna.

Mateo 7:21 ပူးပေါင်းရင်းမြစ်များ

Mateo 12:50

Dipo ni ti deya u tumupad tu kaluuben nu Ama ko ti langet ay siya u ina sakay kapatkákka ko hide.”

Mateo 16:17

Kinagi nikuna ni Jesus, “Pinagpala ka Simon a anak ni Jonas! Dipo iye a karunungan ay awan intoldu niko ni ti deya man a tolay nan impakapospos iye niko nu Ama ko a atoy ti langet.

Mateo 18:10

Kinagi pa ni Jesus “Magingat kam a dyan moy hamakán u essa nu badit a iye hide. Kagiyan ko nikam: ti langit, u anghel di hide ay pirmi a atoy tu atubang nu Ama ko.

Mateo 18:19

Sakay kagiyan ko pa be nikam: ni u duwwa nikam he ti lutaay ay magkaessa tu pagaged ti anya man a bagay tu pagdasal moy ay iyatád iye nikam nu Ama ko a atoy ti langit.

Mateo 18:3

Kinagi na, “Pakatandaan moy iye: hanggan awan kam nagbago sakay pumarehas tu anak hide a mapakumbaba, talaga a awan kam mebilang tu pinaghariyán dán hide nu Diyos.

Mateo 18:35

Kona labe hina u gimitán nikam nu Ama ko a atoy ti langit ni awan moy patawadan u kapatkakka moy.”

Mateo 19:24

Sakay kagiyan ko be nikam: mas alisto pa a makasáddap u dakal a hayop a kamelyo tu ábbut nu digum nan magpasakop tu pághari nu Diyos u essa a mayaman.”

Mateo 25:10

Kaya lummakad u limma a awan ti tukoy a mámmadiket. Alay de a namali, dimmemát u lállake a ikasal. U limma a nakahanda ay kaguman nu lállake a ikasal a nakasáddáp tu kasalan. Sakay insirado de u pintuwan nu bilay.”

Mateo 25:21

Kinagi nikuna nu amo na, ‘Malalaki! Tapat sakay mabait a utusan! Dipo nagin matapat ka tu badit a halaga, mamahala ka tu dakal a halaga. Sumáddáp ka sakay mákpagkasayaan ka nikán!’

Mateo 26:39

Immadeyo ti Jesus ti sabadit, dinumapa siya sakay nagdasal a, “Ama ko, ni maaari ay ibutan mo nikán i pághirapan iye. Pero bakan a u gusto ko ni awan u gusto mo u mangyare.”

Mateo 26:42

Huway siya a ummadeyo sakay nagdasal “Ama ko, ni awan maari ibutan i pághirapan iye ni awan ko magimet ay sunudán ko u kagustuwan mo.”

Markos 3:35

Ta dipo ni deya man u sumunud tu kaluuben nu Diyos ay siya u ina ko sakay u wáwwadi ko.”

Markos 9:47

Sakay ni u mata mo u dahilan nu pagkasalaan mo ay lábwetán mo! Mas maganda pa ni eessa la u mata mo pero tehhod ka a biyag a awan ti kahád, kasera ni duwwa u mata mo pero ibut ka la be ti impiyerno.

Lukas 11:28

Pero timmábbeg ti Jesus, “Mas mapalad u mágsaneg sakay sumássunud tu upos nu Diyos!”

Lukas 13:25

Kapag insiradu dán nu makábbilay u pintuwan ay awan nakamon pasáddáppán maski ni mákkekakagbi kam pa a mágtatoktokán, maski pa ni kagiyán moy a, ‘Panginoon, kagbiyan mu kami pay a pasáddáppán.’ Pero tábbegan nakam ti konna he, ‘Awan takam matengge!’

Lukas 18:25

Mas alisto pa a makasáddáp u essa a kamelyo tu ábbut nu digum nan tu essa a mayaman a makásaddáp tu kahariyan nu Diyos.”

Lukas 6:46

“Bakin dáddulawannák moy a, ‘Panginoon, Panginoon ko,’ pero awan moy labe gimitán u kákkagiyán ko?

Juan 14:7

Ni tukuyák moy ay tukoy moy dám be u Ama. Sapul nadid ay tukoy moy dán siya sakay netan.”

Juan 15:23

U maiyamut nikán ay maiyamut be tu Ama ko.

Juan 3:5

Kinagi ni Jesus, “Kagiyan ko niko u tatahoden: Awan ti maski ni deya man u makasáddáp tu kaharian nu Diyos ni awan siya meenak tu pamamag-itan nu dinom sakay tu Banal a Ispirito.

Juan 5:17

Pero kinagi ni Jesus nide, “Tulos-tulos u trabaho nama ko hanggan nadid, konnaák la bi hod.”

Juan 6:40

Dipo kagustuwan nu Ama ko a u atanan ay tumengge sakay maniwala tu Anak ay magkahod ti biyag a awan ti kahád, sakay biyagán ko hide a huway tu katapusan a aldew.”

Juan 7:17

Ni deyaman u masoh a sumunud tu kagustuwan nu Diyos ay matukuyan na u itáttoldu ko, ni gábwat tu Diyos oni gábwat la tu sadile ku a kagustuwan.

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Roma 2:13

Dipo bakán a u magsaneg hide tu Kautusan u ibilang nu Diyos a matuwid nan u sumássunud ti iye hide u ibilang na a awan ti kasalanan.

Efeso 6:6

Gimitán moy iye, te maketa man oni awan bakán a para puriyán nu tolay hide nan dipo tagapagserbi kam ni Cristo sakay sumássunud ti buu a puso tu kaluuban nu Diyos.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

1 Tesalonica 4:3

U gusto la nu Diyos ay magin banal kam sakay umadeyo tu atanan a klase a kadukássan.

1 Tesalonica 5:18

Sakay magpasalamat kam tu Diyos maski anya u mangyare. Dipo sa iye u kagustuwan nu Diyos a gimitan moy nadid a nakpagkaessa kamon ni Cristo Jesus.

Tito 1:16

Kákkagiyán de a tukoy de u Diyos, pero awan labe ketan tu gimet de. Awan hide ti pinagseserbiyan a tolay sakay masássuwayán hide, kaya awan de tukoy a maggimet ti maganda.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

Hebreo 4:6

Awan nakasáddáp sakay nakaimang tu páppágyanan nu Diyos u dipalongo hide a nakasaneg tu Maganda a Baheta dipo awan hide summampalataya. Pero nadid ay tehhod pade a makasáddáp sakay makaimang tu páppágyanan nu Diyos,

Santiagu 1:22

Dyan kitam tagapágsaneg la tu upos nu Diyos ni awan sunudán tam u kákkagiyán na, dipo ni awan ay lállokuwán tam la u sadi-sadile tam.

1 Pedro 2:15

Gusto nu Diyos a gimitán tam u tama tán tumahan u tolay hide a apehet ti pággisipan a mágga-upusán ti baka-bakán kontara tu upos nu Diyos.

1 Pedro 4:2

Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.

Pahayag 2:27

konna tu kapangyariyan a inyatád nikán nu Ama. Sakay pamahalaan na hide tu pamamag-itan nu sahukod a bakal, sakay mogmugán na u bansa hide a konna tu pángmogmog tu banga.

Pahayag 22:14

Pinagpala u maglinis hide tu babadu de dipo tehhod hide a karapatan a sumáddáp tu banuwan sakay kuman tu bunga nu kayo a makapangatád ti biyag.

Pahayag 3:5

U magtagumpay ay pabaduwan be ti mapudew, sakay awan ko ibu-ibutan u ngahan na tu libro nu biyag. Tenggiyán ko siya tu atubang nu Ama ko sakay tu anghel ko hide.